ВолейболымкIэ Мыекъуапэ ичемпионат аухынкIэ бэп къэнагъэр. Мыщхъулъфыгъэ ыкIи бзылъфыгъэ командэхэр хэлажьэх.
Финалныкъом къыдыхэлъытэгъэ ешIэгъухэр командэхэм яIагъэх, апэрэ ыкIи ящэнэрэ чIыпIэхэм афэбэнэщтхэр къэнэфагъэх. КIэух зэIукIэгъухэр жъоныгъуакIэм и 1-м щыIэщтых.Финалныкъом къыфэбгъэзэжьмэ, «ПК МГТУ-р» 3:1-у «СШ N 1-м (2009)» текIуагъ. Мыекъопэ «Нартым» 2:1-у ешIэгъур шIуахьызэ, я 4-рэ ыкIи я 5-рэ едзыгъохэр къыхьыгъэх ыкIи текIоныгъэр къыдихыгъ. Бзылъфыгъэ командэхэм язэIукIэгъуитIури 3:1-у аухыгъ. «Адыгеир» Мыекъопэ районыр къэзыгъэлъэгъорэ «Адыгея-Пантеры» нахь лъэшыгъ, «Юг-Альянсыр» «Фениксым» текIуагъ.ЖъоныгъуакIэм иапэрэ мафэ текIоныгъэр ыкIи хагъэунэфыкIырэ чIыпIэхэр къыдэзыхыгъэхэр къэнэфэщтых. Апэ бзылъфыгъэ, нэужым хъулъфыгъэ командэхэр зэIукIэщтых. ЕшIэгъухэр Адыгэ къэралыгъо университетым испортзал игупчэ корпус щыкIощтых.