Атлетикэ онтэгъумкIэ Европэм ичемпионат хэлэжьагъ ыкIи узэрыгушхон гъэхъагъэ щишIыгъ Тэхъутэмыкъое районым испорт еджапIэу N 2-м зыщызыгъэсэрэ Яна Сотиевам. Тиспортсменкэ килограмм 86-м нэс къэзыщэчыхэрэм якуп зыщиушэтыгъ, екIолIэгъуитIум килограмм 247-рэ къыIэти, тыжьын медаль къыхьыгъ. Армением илIыкIо закъу ыпэ ишъыгъэр.
Янэ «рывокымкIэ» килограмми 112-рэ къыIэтыгъ ыкIи пэрытныгъэр ыубыгъ. Ащ къыкIэлъыкIорэ екIолIэгъум килограмми 135-рэ къыIэтын фызэшIокIыгъ, а къэгъэлъэгъоным ишIуагъэкIэ зэнэкъокъум хэлажьэхэрэм азыфагу ятIонэрэ чIыпIэр къыщыдихыгъ. Великобританием илIыкIоу Мадиас Нзессо ящэнэрэ хъугъэ.
Яна Сотиевам илъэс 23-рэ ыныбжь, 2021-рэ илъэсым Европэм ивице-чемпионкэ хъугъэ, джащ фэдэу дунаим ичемпионат джэрз медаль къыщихьыгъ.Тиспортсменкэ ыкIи ар зыгъэсэрэ Роман Казаковым тафэгушIо, текIоныгъакIэхэр къыдахынхэу, республикэм ыцIэ дахэкIэ рарагъэIонэу афэтэIо.