УФ-м и Социальнэ фонд и Къутамэу АР-м щыIэм жъоныгъуакIэм и 9-м ипэгъокIэу Хэгъэгу зэошхом иветеранхэм ямэлылъфэгъу мэзэ пенсиехэр зэтыгъо ахъщэ афытегъэхъуагъэу афитIупщыгъэх.
Урысыем и Президент иунашъокIэ сомэ мин пшIырыпшI зэратыщтхэр:— Хэгъэгу зэошхом хэлэжьагъэхэу, къулыкъу ахьызэ шъобжэу атещагъэ хъугъэм, контузием е узэу къяолIагъэм апкъ къикIэу сэкъатныгъэ хэзыхыгъэхэр;— Хэгъэгу зэошхом иветеранэу дзэ операциехэм ахэлэжьагъэхэр, пыим итыл щыIэхэу е IэкIыб къэралыгъом ичIыгу итыхэу хэушъхьафыкIыгъэ пшъэрылъхэр зыгъэцэкIагъэхэр, нэмыкI гъэхъагъэхэр зиIэхэр.Социальнэ фондым и Къутамэ къызэрэщаIуагъэмкIэ, пенсием ыкIи нэмыкIэу Социальнэ фондым и Къутамэ къаритыхэрэм ягъусэу мэлылъфэгъу мазэм мы ахъщэ тыныр зэкIэми къафэкIощт. Ветера-ным ипенсие банкым икартэ къыфырагъахьэмэ, ахъщэ тынри ащ къэкIощт, почтэмкIэ къыIэкIахьэмэ, ащ тетэу сомэ минипшIыри къыратыщт.— ТекIоныгъэм и Мафэ къэмызысэ зэкIэ ахъщэр афэкIощт. Ащ пае ветеранхэм е ягупсэхэм лъэIу тхылъхэр къатынхэ ищыкIагъэп, УФ-м и Социальнэ фонд и Къутамэу АР-м щыIэм зэкIэри ыгъэпсыщт, — къыIуагъ ащ ипащэу МэщлIэкъо Хьамидэ.