Урысые Федерацием исенаторхэу, хэбзэгъэуцу ыкIи лIыкIо къулыкъу пстэуми ядепутатхэу, яIофышIэхэу лъытэныгъэ зыфэтшIыхэрэр!
Урысые парламентаризмэм и МафэкIэ тышъуфэгушIо!Илъэси 120-кIэ узэкIэIэбэжьмэ, мыщ фэдэ мафэм Апэрэ Къэралыгъо Думэм Iоф ышIэу ригъэжьэгъагъ. Хэгъэгум ипарламентаризмэ итарихъ ублапIэ фэзышIыгъэ мы хъугъэ-шIагъэр Урысыем икъэралыгъо гъэпсыкIэ хэхъоныгъэ егъэшIыгъэнымкIэ мэхьанэшхо зиIэ лъэбэкъоу щытыгъ, ащ ифэмэ-бжьымэ ин тикъэралыгъо политикэ зэхъокIыныгъэу фэхъущтхэм къатехьагъ.Парламентыр хэбзэгъэуцу къулыкъоу непэ зэрэщытым имызакъоу, хабзэмрэ обществэмрэ зыщызэгурыIохэрэ, Урысыем инеущырэ мафэ нахь дэгъу зышIыщт унашъохэр зыщаштэрэ чIыпIэуи щыт. Хэбзэихъухьан Iофэу депутатхэм зэшIуахырэм ишIуагъэкIэ хэгъэгум хэхъоныгъэ езыгъэшIыщт правовой лъапсэхэр зэхэщагъэ, цIыфхэм ящыIэкIэ-псэукIэ зыкъегъэIэтыгъэным, лъэпкъ, дин зэгурыIоныгъэм икъэухъумэн афытегъэпсыхьэгъэ гукъэкIхэр щыIэныгъэм щыпхырыщыгъэ мэхъух.ПшъэдэкIыжь зэрахьырэр икъоу къагурыIозэ, яIоф зэрагъэцакIэрэм, IэпэIэсэныгъэшхо зэрахэлъым, гугъуемылIыныгъэ къызэрэзхамыгъафэрэм афэшI депутат пстэуми тызэрафэразэр къэтэIо. Хэбзэ къулыкъухэр зэдеIэжьхэмэ, Адыгеимрэ Урысыешхомрэ хэхъоныгъэ языгъэшIыщт хэкIыпIэхэр тапэкIи къызэрэдгъотышъущтхэм тицыхьэ телъ.Псауныгъэ пытэ, щыIэкIэ-псэукIэ дэгъу шъуиIэнэу, хэбзэихъухьанымкIэ тапэкIи гъэхъагъэхэр шъушIынэу, Хэгъэгум пае шIуагъэ къыкIакIоу шъулэжьэнэу шъуфэтэIо!Адыгэ Республикэм и ЛIышъхьэу,Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет —Хасэм и Тхьаматэу Владимир Нарожнэр