Адыгэ Республикэм щыпсэухэу лъытэныгъэ зыфэтшIыхэрэр!ТичIыпIэгъу лъапIэхэр!
Чернобыль атомнэ электростанцием аварие къызыщыхъугъэр илъэс 40 мэхъу. 1986-рэ илъэсым мэлылъфэгъум и 26-м техногеннэ нэшанэ зиIэ тхьамыкIэгъошхоу къэхъугъэм зэрэдунаеу зэридзагъ, ащ кIэух дэеу къыздихьыгъэхэр нэбгырэ миллион пчъагъэмэ алъыIэсыгъ. Псэемыблэжьыныгъэу къызхагъэфагъэмкIэ, щынагъом ыпашъхьэ зэрэзэкъоуцуагъэхэмкIэ лIэужхэм яшIэжь егъэшIэрэу Чернобыль къыхэнэжьыщт.Аварием икIэуххэм ядэгъэзыжьын хэлэжьэгъэ пстэури: инженерхэр, дзэкъулыкъушIэхэр, медикхэр, мэшIогъэкIуасэхэр, санитар, радиологическэ къулыкъухэм яIофышIэхэр шIукIэ тыгу къэкIыжьых. Ахэм лIыхъужъныгъэ зэрэзэрахьагъэм ишIуагъэкIэ къэхъун ылъэкIыщтыгъэ тхьамыкIэгъошхомэ цIыфлъэпкъыр ащыухъумагъэ хъугъэ. Аварием хэкIодагъэхэм мыщ фэдэ мафэм шъхьащэ афэтэшIы, тхьамыкIагъом къыздихьыгъэхэм ядэгъэзыжьын хэлэжьагъэхэу псаоу къэнагъэхэм лъытэныгъэшхо зэрафэтшIырэр къэтэIо.Чернобыль къыщыхъугъэ аварием ядернэ щынэгъончъагъэм иIофыгъохэм дунаим фыщытыкIэу афыриIэр зэрихъокIыгъ. ЩыIэныгъэм, чIыопсым зэрафэсакъынхэ, чIыналъэм къырыкIощтымкIэ пшъэдэкIыжь зэкIэми зэрахьырэр ащ агу къыгъэкIыжьыгъ.Чернобыль къыщыхъугъэ тхьамыкIагъор цIыфлъэпкъым ренэу десэ фэрэхъу, нэбгырэ миллион пчъагъэмэ ящыIэныгъэ къэзыгъэнэжьыгъэхэм ялIыгъэрэ япсэемыблэжьыныгъэрэ ятамыгъэу щэрэт!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр