АР-м и Къэралыгъо автоинспекцие
Тэхъутэмыкъое районым игъогу инспекторхэр автоеджапIэм чIэсхэм аIукIагъэх.
Гъогу-транспорт фыкъоныгъэхэр дэгъэзыжьыгъэнхэм ыкIи шIэхэу водитель хъущт ныбжьыкIэхэм шъхьэкIэфэныгъэ ахэлъэу зекIонхэм а Iофтхьабзэр афэIорышIагъ.Анахь шъхьаIэу зытегущыIагъэхэр водитель хъунэу еджэхэрэм гъогурыкIоным ишапхъэхэр шIокI имыIэу зэрагъэшIэнхэу ыкIи нэужым ахэр агъэцэкIэнхэу зэрэщытыр ары.Тигъогухэм къатехъухьэрэ хъугъэ-шIагъэхэм япчъагъэ, ахэм ушъхьагъу афэхъухэрэр автоинспекторхэм къаIотагъ, щысэхэр арагъэлъэгъугъэх.НыбжьыкIэхэм анаIэ анахьэу зытырырагъэдзагъэр хэукъоныгъэхэу тхьамыкIэгъо кIэух зыфэхъухэрэр ары: апэкIэ къикIырэ машинэм игъогу зэрэтехьэхэрэр, ешъуагъэу рулым зэрэIутIысхьэхэрэр, псынкIэ зечъэныр.Еджэн закъор арэп пшъэдэкIыжь зыфыряIэнэу щытыр, ыужкIэ шапхъэхэм адиштэу гъогум щызекIонхэр зыщамыгъэгъупшэнэу ныбжьыкIэхэм араIуагъ. Ежьхэми, гъогурыкIоным хэлэжьэрэ пстэуми ящынэгъончъагъэ фэсакъынхэу, ящыIэныгъэ ахэм зэрялъытыгъэр агурагъэIуагъ.ЗэIукIэгъур рекIокIыфэ автоеджапIэм щеджэхэрэр зэдэгущыIэгъум чанэу къыхэлэжьагъэх, гъогум узыщифэн ылъэкIыщт чIыпIэ къинхэм узэращызекIон ыкIи шапхъэхэр тэрэзэу зэрэбгъэфедэнхэ фаем къыкIэупчIагъэх.