Кощхьэблэ районым иавтоинспекторхэм кIэлэцIыкIухэр автомобилымкIэ къызэрепщэкIыщтхэм пылъ шапхъэхэр водительхэм агу къагъэкIыжьыгъ.
Зэхэфын зэдэгущыIэгъур зыфэгъэхьыгъагъэр щынэгъончъэ бгырыпхыр ыкIи хэушъхьафыкIыгъэ кIэлэцIыкIу тIысыпIэр агъэфедэнхэу зэрэщытыр ары. Джащ фэдэу хэушъхьафыкIыгъэ тIысыпIэр къыхахы зыхъукIэ сабыим илъэгагъэ, къыщэчырэр къыдыхалъытэнхэу зэрэщытыр араIуагъ.Автомобилым ыпэкIэ ит тIысыпIэм ар тырагъэуцон зыхъукIэ, щынэгъончъэ шъхьантэр зэрэпахын фаер агу къагъэкIыжьыгъ.Полицейскэхэм Iофтхьабзэм хэлэжьагъэхэм агурагъэIуагъэхэм ащыщ сабыир уакокI ибгъэтIысхьэ зэрэмыхъущтыр, хъугъэ-шIагъэм узыхафэкIэ, ар зэрэпфэмыIыгъыщтыр ыкIи тхьамыкIагъоу къыхэкIыхэрэр.Iофтхьабзэм икIэух хэушъхьафыкIыгъэ кIэлэцIыкIу тIысыпIэр тэрэзэу къызэрэхэпхыщытыр, ар машинэм зэрибгъэуцожьыщтыр зэрытхэгъэ тхьапэхэр инспекторхэм агощыгъэх.