Щэ щэрыонымкIэ Урысыем и Кубок икъыдэхын иапэрэ едзыгъо къалэу Краснодар щыкIуагъ.
Адыгеим икомандэ мыщ дэгъу дэдэу зыкъыщигъэлъэгъуагъ, апэрэ чIыпIэр къыщыдихыгъ. Республикэ спорт еджапIэу олимпийскэ чемпионэу С. Алифиренкэм ыцIэ зыхьырэм зыщызыгъэсэхэрэ Александра Изматденовам, Мария Бушуевам ыкIи Екатерина Яшан республикэм текIоныгъэр къыфахьыгъ.Зэнэкъокъум ишапхъэхэм адиштэу, нэбгырэ пэпчъ гъогогъу 30-рэ щэрыон фэягъ. Типшъашъэхэм очко 557-рэ рагъэкъугъ, къатефэу пэрытныгъэр аубытыгъ.КIэух едзыгъом Адыгеим испортсменкэхэр Московскэ хэкум илIыкIохэм аIукIагъэх ыкIи 16:4-у атекIуагъэх. Москва икомандэ ящэнэрэ чIыпIэр къыфагъэшъошагъ.Типшъашъэхэм, ахэр зыгъасэхэрэм тафэгушIо, тапэкIи мыщ фэдэ гъэхъагъэхэр ашIынхэу, мы спорт лъэпкъыр зыгу рихьыхэрэр агъэгушIонхэу афэтэIо.