Бысымхэр нахь лъэшыгъэх

Урысыем ичемпионат и Суперлигэ хэт «АГУ-Адыифыр» мы мафэхэм «Лучым» дешIагъ.

Я 9-рэ чIыпIэр къыдэхыгъэнымкIэ мы ешIэгъум мэхьанэшхо иIагъ. Москва щыкIогъэ зэIукIэгъум бысымхэр нахь щылъэшыгъэх, пчъагъэр — 39:25-рэ.«Лучым» хэтыгъэх:КъэлэпчъэIутхэр — Бударевар, Гавриловар, Чипула, Мо­ревар. Черняевар — 5, Смир­новар — 5, Лунинар — 5, Голец — 5, Германовар — 4, Коробко — 4, Зюринар — 3, Алексеевар — 3, Андрияновар — 2, Кобжыр — 1, Рожковар — 1, Гульцевар — 1.

«АГУ-Адыифым» щешIагъэх:КъэлэпчъэIутхэр — Черницовар, Гобадзе, Черновар. Смирновар — 9, Коблыр — 6, Локян — 3, Кожубековар — 2, Вайкум — 2, Утаровар — 1, Казихановар — 1, Пивень — 1.Апэрэ едзыгъом тигандболисткэхэр дэгъоу ешIагъэх. «АГУ-­Адыифыр» Iэгоуи 4-кIэ ыпэ ишъын ылъэкIыгъ, ау бысымхэм пчъагъэр зэфэдиз ашIыгъ, пчъагъэр 15:15-у апэрэ таймыр ­аухыгъ.ГухэкI нахь мышIэми, ятIонэрэ таймым типшъашъэхэм зи къа­дэхъугъэп, яешIакIэ лъэшэу къыщыкIагъ. «Лучыр» бэрэ ыпэкIэ илъыщтыгъ, пчъагъэм хигъахъощтыгъ. Ащ ишIуагъэкIэ ятIонэрэ едзыгъор 24:10-у бысымхэм ахьыгъ, пчъагъэр 39:25-у текIо­ныгъэр къыдахыгъ. «АГУ-Адыифымрэ» «Лучымрэ» очко пчъагъэу яIэр зэфэдиз хъугъэ.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «АГУ-Адыиф» — 16.
2. «Луч» — 16.
3. «Уфа-Алиса» — 5.
4. «Университет» — 3.«АГУ-Адыифым» ешIэгъур шIуа­хьыгъ нахь мышIэми, я 9-рэ чIыпIэм фэбэнэщт. Мы командэхэр мэлылъфэгъум и 29-м джыМыекъуапэ щызэIукIэщтых.