Адыгэ Республикэм и Мыекъопэ къэлэ хьыкум ветеринар-санитар шапхъэу щыIэхэр зыукъогъэ унэе предпринимателым лажьэ иIэу ыгъэунэфыгъ. Хьыкумым унашъоу ышIыгъэмкIэ ащ иIофшIэн пIэлъэ гъэнэфагъэкIэ къызэтырагъэуцуагъ. Ащ фэгъэхьыгъэ тхьапэр хьыкум приставхэм я Мыекъопэ къэлэ отделение къыIэкIэхьагъ.
Мыщ епхыгъэу хьыкум приставым Iоф къызэIуихыгъ, хэбзэукъоныгъэр дэгъэзыжьыгъэн зэрэфаер унэе предпринимателым гуригъэIуагъ. Ау ар зэримыгъэцэкIагъэм къыхэкIэу административнэ пшъэдэкIыжь рагъэхьыгъ, тазырэу сомэ мини 10 тыралъхьагъ.Хьыкум приставхэм я Федеральнэ къулыкъу АР-мкIэ и ГъэIорышIапIэ ипресс-къулыкъу.