Урысые Федерацием и Следственнэ комитет Адыгэ РеспубликэмкIэ иследственнэ гъэIорышIапIэ спорт еджапIэм ипащэу Урысыем и Уголовнэ кодекс ия 159-рэ статья ия 3-рэ Iахь зигугъу къышIырэ бзэджэшIагъэ зезыхьагъэм уголовнэ Iоф къыфызэIуихыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI IофхэмкIэ и Министерствэ экономикэ щынэгъончъагъэмкIэ ыкIи къолъхьэ тын-Iыхыным пэуцужьыгъэнымкIэ игъэIорышIапIэрэ оперативнэ-лъыхъон Iофтхьабзэу зэрахьагъэхэм якIэуххэм атетэу уголовнэ Iофыр къызэIуахыгъ.ЗэрагъэунэфыгъэмкIэ, 2022-рэ илъэсым ишэкIогъу къыщегъэжьагъэу 2023-рэ илъэсым имэкъуогъу нэс къэрэгъулэу, тхьэкIакIоу, пхъэнкIакIоу бзылъфыгъищ IофшIапIэм ыштагъэхэ фэдэу документ нэпцIхэр еджапIэм ипащэ зэхигъэуцогъагъэх. Ау а бзылъфыгъэхэр IофшIапIэм къакIощтыгъэхэп ыкIи япшъэрылъхэри агъэцакIэщтыгъэхэп.2024-рэ илъэсым мэкъуогъум и 26-м нэс а бзылъфыгъэхэм сомэ мин 900 фэдиз хъурэ лэжьапкIэ афагъэуцугъ. ЕджапIэм ипащэ а ахъщэр зэрэщытэу иджыбэ рилъхьагъ ыкIи зэрэшIоигъоу зэригъэкIуагъ.БзэджэшIагъэм лъапсэ фэхъугъэхэм язэгъэшIэн тегъэпсыхьэгъэ следственнэ Iофтхьабзэхэр джыдэдэм зэрахьэх.Урысыем щынэгъончъэнымкIэ и Федеральнэ къулыкъу АР-мкIэ и ГъэIорышIапIэ ипресс-къулыкъу