Тайскэ боксым илъэныкъоу муайтаимкIэ Урысыем ипервенствэ Нижегородскэ хэкум щыкIуагъ. Къэралыгъом ишъолъыр 62-мэ яспортсмен 1200-м ехъумэ заушэтыгъ.
Спортсмен анахь лъэшхэм язэнэкъокъу хэлэжьагъ Адыгэ Республикэм илIыкIоу Максим Кузнецовыр. Илъэс 16 — 17 зыныбжьхэм якуп ащ зыщиушэтыгъ, джэрз медаль къыфагъэшъошагъ. Мыр зичэзыу гъэхъагъэу зэрэщытым дакIоу, спортым имастер хъунымкIэ кандидатым ишапхъэ ящэнэрэу ыгъэцэкIагъ. Джащ фэдэу муайтаимкIэ Европэм ипервенствэ хэлэжьэнэу Максим фитыныгъэ къыдихыгъ. Ар Францием икъэлэ шъхьаIэу Париж щыкIощт.Тиспортсмен тыфэгушIо, мэхьанэшхо зиIэ зэнэкъокъум гъэхъагъэ щишIынэу, республикэм щыпсэухэрэр ыгъэгушIонхэу фэтэIо.