ЕшIэгъур шIуахьыгъ

ФутболымкIэ Урысыем ипервенствэ иятIонэрэ лигэ иди­визионэу «Б-м» хэт Мыекъопэ «Зэкъошныгъэм» зичэзыу ешIэгъоу иIагъэр «Ростов-2-м» 0:2-у шIуихьыгъ.«Зэкъошныгъ» — «Ростов-2» — 0:2 (0:0).Къэлапчъэм Iэгуаор дэзы­дзагъэхэр: Максим Радченкэр (я 51-рэ такъикъыр), Эдди Цанава (я 89-рэ такъикъыр, ежь икъэлапчъэ Iэгуаор дидзэжьыгъ).«Зэкъошныгъэм» щешIагъэх: Хачировыр (къэлэпчъэIут), Хьэхыр (Казаровыр), Цанава, Черджиевыр, Юшко, Солоп, Къонэр (Iащэр), Коблыр (Шустовыр), Кобжыр (Блэгъожъыр), Делэкъор, Васильевыр (ХъуакIор).

Тренер шъхьаIэр — Александр Кайвановыр.«Ростов-2-м» хэтыгъэх: Мокроусовыр (къэлэпчъэIут), Радченкэр (Шерматовыр), Бабаки-ныр, Шубиныр, Тарасовыр (Шевченкэр), Алимовыр (Чамсади­новыр), Кокотун (Каспарян), Зу­бенкэр, Грозовскэр (Смирновыр), Чебураковыр, Бондарь.Тренер шъхьаIэр — Алексей Едуновыр.Апэрэ такъикъхэм къащегъэ­жьагъэу бысымхэмкIэ зэIукIэгъур къызэрыкIоу зэрэщымытыщтыр нэрылъэгъугъ. ХьакIэхэм ешIэкIэ дахэ къагъэлъагъощтыгъ, бэрэ ыпэкIэ илъыщтыгъэх. Я 27-рэ такъикъым тикомандэ хэт Кирилл Юшко арбитрэм дысэу зэрэдэ­гущыIагъэм къыхэкIэу ешIапIэм къырагъэкIыгъ. «Зэкъошныгъэр» нэбгырипшIэу къэнагъ. ЯтIонэрэ едзыгъом ия 51-рэ такъикъ «Рос­тов-2-м» хэт Максим Радченкэр метрэ 16 фэдизкIэ пэчыжьэу къэ­лапчъэм къыдэуагъ ыкIи Iэгуаор къыдидзагъ — 0:1.Я 72-рэ такъикъым бысымхэм яфутболистэу Аркадий Солоп шапхъэхэр ыукъуагъ, карточкэ плъыжьыр къырагъэлъэгъуи, ари ешIапIэм къырагъэкIыгъ.«Зэкъошныгъэм» пчъагъэр зэфэдиз ышIыным пылъыгъ, ау я 89-рэ такъикъым Эдди Цанава икъэлапчъэ Iэгуаор дидзэжьыгъ, пчъагъэр 0:2-у хьакIэхэм текIоныгъэр къыдахыгъ.— ТуриплI — карточкэ ­плъыжьи 3. Ар къызыхэкIырэр къэпIонкIэ къины. ТиешIэ­кIо анахь лъэшхэм шъобжхэр атещагъэх, арышъ, къэ­кIорэ ешIэгъум ахэм тащы­гугъырэп. Футболист ныбжьыкIэхэм зыкъызэIуахын амал яIэщт, — къыIуагъ «Зэ­къошныгъэм» итренер шъхьаIэу Александр Кай­вановым.Я 4-рэ турым изэфэхьысыжьхэр:«Кызылташ» — «Астрахань» — 3:0, «ПСК» — «Нефтяник» — 2:1, «Рубин Ялта» — «Победа» — 1:1, «Ангушт» — «Чайка-М» — 1:0, «Спартак-­Налщык» — «Шахтер» — 0:1, «Нарт» — «Заря» — 0:0, «Зэкъошныгъ» — «Ростов-2» — 0:2, «Се­вастополь» — «Динамо-2» — 2:1.«Севастополь» ешIэгъуи 4 иIагъ, зэкIэми текIоныгъэ къащыдихыгъ. «Кызылташрэ» «Шахтеррэ» ятIонэрэ ыкIи ящэнэрэ чIыпIэхэр аубыты, «Зэкъошныгъэр» я 10-р. Зичэзыу ешIэгъоу ащ иIэщтыр къалэу Хасавюрт щы­кIощт, мэлылъфэгъум и 25-м «Победэм» IукIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 12.
2. «Кызылташ» — 10.
3. «Шахтер» — 9.
4. «ПСК» — 9.
5. «Ангушт» — 9.
6. «Нарт» — 7.
7. «Спартак-Налщык» — 7.
8. «Ростов-2» — 6.
9. «Рубин Ялта» — 5.
10. «Зэкъошныгъ» — 4.
11. «Динамо-2» — 3.
12. «Нефтяник» — 3.
13. «Победа» — 2.
14. «Заря» — 2.
15. «Чайка-М» — 1.
16. «Астрахань» — 1.