ЛъэныкъуакIэхэмкIэ заушэты

Мыекъопэ къэралыгъо технологическэ университетым мэфэкI шIыкIэм тетэу къыщызэIуахыгъ я Х-рэ ЗэIухыгъэ чемпионатэу «Профессионал ныбжьыкIэхэр» зыфиIорэм иапэрэ едзыгъо.

Iофтхьабзэм ипэублэ егъэджэн Iоф­шIэнымкIэ проректорэу Людмила Задорожнаям къыхигъэщыгъ студент анахь чанхэр къызэрэзэрэугъоигъэхэр. НыбжьыкIэхэм яIэпэIэсэныгъэ къагъэлъэгъо­ным зэрэфэхьазырхэр, творческэ екIо­лIакIэ ыкIи купэу зэхэтхэу Iоф зэдашIэным зэрэфэхьазырхэр къыIуагъ.Университетым щызэхащэрэ чемпионатым итарихъ 2017-рэ илъэсым къыщежьэ. ЗэIухыгъэ чемпионатэу «Профессионал ныбжьыкIэхэр» зыфиIорэр апэрэу мы илъэсым зэхащэгъагъ. Ащ дэжьым Урысыем и Ворлдскиллс и Союз университетыр хэхьэгъагъ ыкIи апэрэ чемпионатыр лъэныкъуиплIымкIэ зэхищэгъагъ. Апшъэ­рэ еджэпIэ чемпионатхэр зыщырагъэ­кIокIырэ уахътэм къыщегъэ­жьагъэу студент нэбгырэ 500-м ехъу ащ хэлэ­жьагъ. Мы илъэсым чемпио­натым ихьэкIагъэх Пшызэ къэралыгъо медицинскэ университетым илIыкIохэр.Чемпионатыр сэнэхьат IэпэIэсэны­гъэм хэхъоныгъэхэр егъэшIыгъэнхэмкIэ и Агентствэ ишапхъэхэм адиштэу зэхащэ. Джырэ экономикэм нахь ищыкIэгъэ лъэныкъохэм хэхъоныгъэ арагъэшIыныр ары пшъэрылъ шъхьаIэр. Зэнэкъокъум иапэрэ едзыгъо къыдыхэлъытагъэу мыгъэ апэрэу мыщ фэдэ лъэныкъохэмкIэ зэнэкъокъущтых. «Агрокомплекс Iушым ипромышленнэ инженер» ыкIи «ЦIыф зэрымыс комплекснэ автономнэ сис­темэхэм яинженер» зыфиIохэрэмкIэ шIэныгъэу яIэхэр ныбжьыкIэхэм мы мафэхэм къагъэлъагъо.Чемпионатыр мазэм ыкIэм мэфэкI шIыкIэм тетэу зэфашIыжьыщт.

Делэкъо Анет.