Iэдэб зыхэжъугъэлъ

Пыдзафэхэм яIущын фэгъэзэгъэ шъолъыр операторым Инэм дэсхэм ятхьаусыхэ тхылъ къыIукIагъ — хэкIитэкъуапIэхэм адэжь зэбгырыдзыгъэу хэкIыр зэрэщыратэкъурэр мытэрэзэу цIыфхэм алъытэ.

Компаниеу «ЭкоЦентрэм» иIофышIэхэм Iофым изытет зауплъэкIум, нафэ къа­фэхъугъ графикым диштэу хэкIыр зэрэIуа­щырэр, пыдзэфэ инхэри игъорыгъозэ зэрэдащыхэрэр. Ау Iофыгъоу къэуцугъэм идэгъэзыжьыкIэ хъущтым еусэгъэн фаеба?Пыдзэфэ инхэр — мебелым щыщ пкъыгъохэр, пхъэмбгъу­хэр, плитэхэр ыкIи нэмыкIхэр хэкIитэкъуапIэхэм адэжь зэрэIулъхэр мы сурэтым ишъолъагъо. Зэбгырыдзыгъэу ахэр чIыгум зэрэтелъхэм хьажъ-быжъ итэкъупIэ мы чIыпIэр ашIыгъэ фэдэу къыпщегъэхъу.Урысые Федерацием и Правительствэ иунашъоу N 293-р зытетым зэрэщыгъэ­нэфагъэмкIэ, пыдзафэхэр контейнерхэм адэжь е чIыпIэ гъэнэфагъэхэм ащагъэтIылъынхэу щыт.Шъолъыр операторым пшъэдэкIыжь зэрихьырэр хэкIыр игъом Iущыгъэныр ары. ХэкIитэкъуапIэхэм къапэIулъ чIыпIэхэм язытет нахьыбэрэмкIэ ыгъэгумэкIын фаехэр хэкIыр изытэкъу­хэрэр ары.Мы сурэтым нафэ къытфешIы пыдзэфэ инхэм ателъытэгъэ чIыпIэ гъэнэфагъэ зэрэщымыIэм къыхэкIэу ахэр контейнерхэм адэжь зэрэщагъэтIылъыгъэхэр. Ау мыщ дэжьми Iофым нэмыкI екIолIакIэ къыфагъотын зэралъэкIыщтыгъэри къэIогъэн фае. Пыдзэфэ инхэр рамытэкъу­хьэхэу зы чIыпIэ зыщызэтыралъхьэхэкIэ, IуащынхэмкIи нахь Iэрыфэгъу мэхъу, чIыпIэм итеплъи угу ыгъэкIодырэп.Ау ащ фэдэ пыдзафэхэр къызэрэхъу имэщэу зыратэкъухэкIэ, чIыпIэр зэрэщытэу зэрэзэлъаубытырэм хэкIыр Iуамыщы фэдэу къыпщегъэхъу. Къэбзэныгъэр къэшъуухъумэ шъушIоигъомэ, сыдрэ лъэныкъокIи Iэдэб зыхэжъугъэлъ, пыдзафэхэр екIоу зэтешъулъхьэх.«ЭкоЦентрэм» и Адыгэ къутамэ ипресс-къулыкъу