Адыгеим щыщ Игорь Помазкиныр зыфагъэмысагъэр Урысыем и Уголовнэ кодекс ия 282.3-рэ статья иа 1-рэ Iахь къыдилъытэрэ бзэджэшIагъэ зэрэзэрихьагъэм (экстремист IофшIэным ахъщэкIэ зэрэдеIагъэм) фэшI.
Урысыем и Следственнэ комитет Адыгэ РеспубликэмкIэ иследственнэ гъэIорышIапIэ уголовнэ Iофэу къыIэтыгъэм лъапсэ фэхъугъэр Урысыем и ФСБ Адыгэ РеспубликэмкIэ и ГъэIорышIапIэ иIофышIэхэмрэ Адыгэ Республикэм хэгъэгу кIоцI IофхэмкIэ и Министерствэрэ зэдызэшIуахыгъэ оперативнэ-лъыхъон Iофтхьабзэхэр ары.ЗэрагъэунэфыгъэмкIэ, 2021-рэ илъэсым шышъхьэIум къыщегъэжьагъэу 2022-рэ илъэсым мэзаем нэс И. А. Помазкиным Урысые Федерацием ихэбзэгъэуцугъэ диштэу экстремистскэкIэ алъытэгъэ мысатыу организацием исчет ахъщэ фыригъэхьагъ. Ащ тетэу ишIуагъэ ащ ригъэкIыщтыгъ.Хьыкумым ышIыгъэ унашъом тетэу И. А. Помазкиным тазырэу сомэ мин 350-рэ тырилъхьагъ.Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу