Урысыем и Следственнэ комитет Адыгэ РеспубликэмкIэ иследственнэ гъэIорышIапIэ УФ-м и Уголовнэ кодекс ия 291-рэ статья иа 1-рэ Iахь къыдилъытэрэ бзэджэшIагъэ зезыхьэгъэ бзылъфыгъэу илъэс 45-рэ зыныбжьым уголовнэ Iоф къыфиIэтыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэмрэ Адыгеим и Росгвардие щынэгъончъэнымкIэ икъулыкъурэ хэлажьэхэзэ, оперативнэ-лъыхъон IофшIэнэу зэшIуахыгъэм икIэуххэм къапкъырыкIыхэзэ уголовнэ Iоф къызэIуахыгъ.ЗэрагъэунэфыгъэмкIэ, а бзылъфыгъэм Росгвардием и ГъэIорышIапIэ лицензиехэр ятыгъэнхэмкIэ иIофышIэ зыфигъэзэгъагъ къуалъхьэ фишIынышъ, лицензиер ятыгъэным уахътэу ыхьырэм къыкIыригъэчынэу ыкIи ежьыми кIэгъэгушIун фишIынэу.2026-рэ илъэсым мэлылъфэгъум и 2-м бзылъфыгъэр ащ IукIагъ ыкIи къуалъхьэм изы Iахьэу сомэ мини 10-р ритыгъ. ПстэумкIи сомэ мин 30 къуалъхьэу ащ IэкIигъэхьагъэр.БзэджэшIагъэм лъапсэ фэхъугъэхэм ягъэунэфынкIэ мы лъэхъаным уплъэкIун-зэхэфын Iофхэр макIох.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу