Шъолъыр проектэу «Къэлэ щыIэкIэ Iэрыфэгъур» зыфиIорэм къыдыхэлъытагъэу мы илъэсым общественнэ чIыпIэ 19 ыкIи щагуи 3 зэтырагъэпсыхьащт. А IофшIэнхэм сомэ миллиони 151,54-рэ апэIухьащт.
Ащ нэмыкIэу 2026-рэ илъэсым проекти 3 агъэцэкIэщт. Я X-рэ Урысые зэнэкъокъоу къэлэ цIыкIухэм азыфагу щыкIуагъэм ахэм текIоныгъэ къыщыдахыгъ: шъолъырэу «Мэздахэр», псэупIэу Инэм Зэкъошныгъэм игупчэу дэтыр, Зэкъошныгъэм ипаркэу Яблоновскэм щагъэпсыгъэр. IофшIэнхэм атефэщтыр сомэ миллион 335-м ехъу.2027-рэ илъэсымкIэ ащ фэдэ чIыпIэхэм якъыхэхын аублэщт. ГущыIэм пае, проектэу «Къэлэ щыIэкIэ Iэрыфэгъур» зыфиIорэр лъэпкъ проектэу «ПсэупIэмрэ къэлэ щыIакIэмрэ» изы Iахь. 2027-рэ илъэсым зэтырагъэгъэпсыхьащт чIыпIэхэм якъыхэхын 2026-рэ илъэсым мэлылъфэгъум и 21-м аублэнышъ, мэкъуогъум и 12-м нэс кIощт. ЧIыпIэхэу амакъэ зыфатыщтхэр порталэу «Госуслуги» зыфиIорэм къырагъэхьащтых. Илъэс 14-м къехъугъэхэр мэкъэтыным хэлэжьэн фитых.