Урысыем и Следственнэ комитет иследственнэ гъэIорышIапIэу Адыгэ Республикэм щыIэм нэбгырищмэ къафиIэтыгъэ уголовнэ Iофым изэхэфын ыкIэм фэкIуагъ. Урысыем и Уголовнэ кодекс ия 327-рэ статья ия 3-рэ Iахь къыдилъытэрэ бзэджэшIагъэ ахэм зэрахьагъ: фитыныгъэ къэзытырэ документ нэпцIхэр къызIэкIагъахьэщтыгъэх, зэращэщтыгъэх ыкIи къуалъхьэ къаIахыщтыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэорышIапIэ иIофышIэхэм оперативнэ-лъыхъон Iофтхьабзэу зэрахьагъэхэм къакIэкIогъэ материалхэм, Адыгэ Республикэм хэгъэгу кIоцI IофхэмкIэ и Министерствэ къолъхьэ тын-Iыхыным пэшIуекIогъэнымкIэ игъэIорышIапIэ ышIыгъэ зэфэхьысыжь гъэнэфагъэхэм атетэу уголовнэ Iофыр къызэIуахыгъ.2023-рэ илъэсым къыщегъэжьагъэу 2024-рэ илъэсым нэс унэе предпринимателым къэрэгъулэ сэнэхьат ухьазырыныгъэ ямыIэу ахъщэ пылъэу нэбгырэ 17-мэ документ нэпцIхэр аIэкIигъэхьагъэх.2025-рэ илъэсым щылэ мазэм а бзылъфыгъэм сомэ мин 17 ритыгъ лицензие IофшIэнымкIэ Гупчэм иинспектор шъхьаIэ лъэIу тхылъхэм яхэплъэн ыгъэкIэкIыным пае.Джащ фэдэу инэIоситIумэ ягъусэу нэмыкI бзэджэшIагъэхэри а бзылъфыгъэм зэрихьагъэх. Зыр — гъэсэныгъэ тедзэ зыщарагъэгъотырэ унэе учреждением ипэщагъ, ригъэджагъэхэ фэдэу свидетельствэ нэпцIхэр къыгъэхьазырыщтыгъ ыкIи а бзылъфыгъэм къыIэкIигъахьэщтыгъэх.Уголовнэ Iофэу аухэсыгъэу кIэух зэфэхьысыжьыр зигъусэр хэплъэным пае хьыкумым IэкIагъэхьагъ.
Урысыем щынэгъончъэнымкIэ и Федеральнэ къулыкъуАдыгэ РеспубликэмкIэ и ГъэIорышIапIэ ипресс-къулыкъу