Зэнэкъокъур ыкIэм фэкIо

ВолейболымкIэ Мыекъуапэ изэIухыгъэ чемпионат хэлэжьэрэ хъулъфыгъэ ыкIи бзылъфыгъэ командэхэр хагъэунэфыкIырэ чIыпIэхэм защыфэбэнэщтхэ уахътэр къэсыгъ.

Зэнэкъокъум икIэух едзыгъо щешIэщт «ПК МГТУ-р». Ар финалныкъом командэу «СШ N 1 (2009)» IукIагъ ыкIи 3:1-у текIоныгъэр къыдихыгъ. ЯтIонэрэ финалныкъом щызэдешIэщтых «Олимпымрэ» «Нартымрэ». Куп едзыгъом къыдыхэлъытагъэу «Авангардымрэ» «Фыщтымрэ» зэIукIэщтых, ау мы командэхэр медальхэм афэбэнэнхэ алъэкIыщтэп.Апэрэ купым хэт хъулъфыгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «СШ N 1 (2009)» — 12.
2. «Нарт» — 8.
3. «Лабинск» — 4.
4. «Авангард» — 3.
5. «Фыщт» — 0.

ЯтIонэрэ купыр:

1. «Олимп» — 12.
2. «ПК МГТУ» — 9.
3. «Юниор» — 5.
4. «СШ N 1 (2011)» — 4.
5. «Исход» — 0.

Бзылъфыгъэ командэхэм зэ­нэкъокъум иапэрэ едзыгъо аухынкIэ ешIэгъуитIу къафэнагъ. Анахь мэхьанэшхо зиIэщтыр «Еджэркъуаемрэ» «Фениксрэ» язэIукIэгъу. Къоджэ пшъашъэхэр ыпэкIэ лъыкIотэнхэм пае ешIэ­гъум ипартиитIу къахьын фае, «Фениксым» текIоныгъэ ищы­-кIагъ. Джащ фэдэу «АГУ-мрэ» «СШ N 1 (2009)» зыфиIорэмрэ зэдешIэщтых, ау ахэр хагъэунэфыкIырэ чIыпIэхэм афэбанэхэрэм къахэзыгъэх Апэрэ купым пэрытныгъэр щиубытыгъ «Адыгеям», мы командэм къытекIонхэр хэгъэкIи, зы партие шIуахьын алъэ­кIыгъэп.

Апэрэ купым щешIэрэ бзылъфыгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Адыгея» — 12.
2. «Еджэркъуай» — 6.
3. «Феникс» — 4.
4. «СШ N 1 (2009)» — 2.
5. «АГУ» — 0.

ЯтIонэрэ купым хэтхэм апэрэ едзыгъор аухыгъ. «СШ N 1 (2009)» ыкIи «Юг-Альянс» зыфиIорэ командэхэм язэIукIэгъу гъэшIэгъонэу кIуагъэ. Спорт еджа­пIэм илIыкIохэм 3:2-у текIоны­гъэр къыдахыгъ нахь мышIэми, финалныкъом ихьанхэ алъэкIыгъэп. Медальхэм афэбэнэщтых «Юг- Альянсымрэ» «Адыгея-Панте­рэмрэ».ЯтIонэрэ купыр:

1. «Юг-Альянс» — 10.
2. «Адыгея-Пантеры» — 9.
3. «СШ N 1 (2011)» — 8.
4. «Виктория» — 2.
5. «СШ Шытхьал» — 1.