Унэгъо-спорт Iофтхьабзэу «Всей семьей на выходные!» зыфиIорэр Теуцожь районым щырагъэкIокIыгъ. Унагъом имэхьанэ гъэпытэгъэным, къыткIэхъухьэрэ лIэужхэр ны-тыхэм шъхьэкIэфэныгъэ афашIэу пIугъэнхэм, шIуагъэ къытэу яуахътэ агъэкIоным ар афытегъэпсыхьэгъагъ.
Зэнэкъокъум хэлажьэхэрэм лъэныкъо зэфэшъхьафхэмкIэ заушэтыгъ. Нэужым зэхэщакIохэм зэфэхьысыжьхэр ашIыгъэх, пстэуми анахь лъэшыгъэр ыкIи къытефэу апэрэ чIыпIэр зыубытыгъэр Хъотмэ яунагъу. Зэнэкъокъум иреспубликэ едзыгъо районыр къыщигъэлъэгъонэу ащ фитыныгъэ къыдихыгъ.