Iэшъынэ А.
Дагъыстан псыкъиунэу щыIагъэм изэрар зэкIыгъэ цIыфхэм адеIэгъэным фэгъэ-хьыгъэ шIушIэ IэпыIэгъур Адыгеим щылъагъэкIуатэ.
БэмышIэу партиеу «Единэ Россиер» кIэщакIо зэрэфэхъугъэм тетэу псыр къызкIэогъэ псэупIэхэм адэсхэм апае псы тонн 40 зэрыт фуритIу Дагъыстан ащагъ. Ащ ыпэкIэ зэшъохэрэ псыр, пхъэшъхьэ-мышъхьэхэр, тыгъэгъэзэ дагъэр зыхахьэщтыгъэ шIушIэ IэпыIэгъоу тонн 60 къэзыщэчырэр Махачкала ащагъ.Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIи шIушIэ IэпыIэгъум иугъоин лъегъэкIуатэ ыкIи мы Iофтхьабзэм быслъымэнхэр къыхэлэжьэнхэу къяджэ.Анахьэу ящыкIэгъэщт мыкIодырэ гъомылапхъэхэр, кIэлэцIыкIухэм ашхыщтыр, памперсхэр, зэшъохэрэ псыр, чыхIэнхэр, зызэратхьакIыхэрэр аугъои.Угъоинхэр зыщыкIорэр: Мыекъуапэ, урамэу Келермесское шоссе, 6А/1 «Орбита».