Мэхьанэшхо зиIэ Iофтхьабзэу «Забег.рф» зыфиIорэм Адыгеим икъэлэ шъхьаIэ джыри хэлэжьэщт.
Спортым имэфэкI зэрипхыщтых Калининград къыщегъэжьагъэу Камчаткэ нэс ащыпсэурэ цIыфхэр ыкIи ар я 10-у рагъэкIокIыщт.Адыгеим щыщхэу Iофтхьабзэм хэлэжьэщтхэм япчъагъэ 1000 мэхъу, ахэр республикэ стадио-нэу «Зэкъошныгъэм» щызэрэугъоищтых.Аныбжь ыкIи яухьазырыныгъэ ялъытыгъэу ахэм къачъыщтыр зэтефыгъэщт: кIэлэцIыкIухэм ыкIи Iэтахъохэм — метрэ 1000, езгъэжьэгъакIэхэм — метрэ 5000, зицыхьэ зытелъыжьхэм — метрэ 10000 ыкIи IэпэIэсэныгъэшхо зыIэкIэлъ спортсменхэм — километрэ 21,1-рэ.
ЗэхэщакIохэм къагъэуцугъэ пшъэрылъыр зыгъэцакIэхэрэм зэкIэми медальхэр афагъэшъошэщтых, ащ дакIоу зыщышхэнхэ алъэкIыщт чIыпIэхэр афагъэпсыщтых, спорт мэфэкIым изы Iахь хъущтых.Iофтхьабзэу «Забег.рф» зыфиIорэм хэлажьэ зышIоигъохэм ятхын мы мафэхэм рагъэжьэщт, билетхэм япчъагъэ гъэнэфагъэу щыт. Спорт мэфэкIыр жъоныгъуакIэм и 23-м зэрэкъэралыгъоу щыкIощт.