ПсэупIэу Яблоновскэм щыщ илъэс 47-рэ зыныбжь Талъэкъо Налбый къыфызэIуахыгъэ уголовнэ IофымкIэ Теуцожь район хьыкумым кIэух унашъор ыштагъ. Урысыем и Уголовнэ кодекс ия 159.2-рэ статья ия 4-рэ Iахь зигугъу къышIырэ бзэджэшIагъэ зэрихьагъэкIэ ар агъэмысагъ.
Нафэ къызэрэхъугъэмкIэ, ятIонэрэ купым хэхьэрэ сэкъатныгъэ иIэ фэдэу зэрыт медицинэ документ нэпцIхэм атетэу Н. А. Талъэкъом 2014-рэ илъэсым къыщегъэжьагъэу 2025-рэ илъэсым нэс хэбзэнчъэу сомэ миллионрэ мин 800-м ехъу пенсиеу къыратыгъ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ зэхищэгъэгъэ уплъэкIунхэм якIэуххэм атетэу уголовнэ Iофыр къызэIузыхыгъэр ыкIи зэхэзыфыгъэр Урысыем и Следственнэ комитет Адыгэ РеспубликэмкIэ иследственнэ гъэIорышIапI ары.Урысыем и Уголовнэ кодекс ия 159.2-рэ статья ия 4-рэ Iахь диштэу Тэхъутэмыкъое район хьыкумым условнэу илъэсищ зэкъодзакIом тырилъхьагъ. Къэралыгъом чIэнагъэу ышIыгъэр икъоу ащ рагъэпщыныжьыгъ.