Адыгэ Республикэм и Тэхъутэмыкъое район хьыкум къуаджэу Щынджые щыпсэурэ Мырзэ Аслъан фэгъэхьыгъэ уголовнэ Iоф къызэIуихыгъ. Урысыем и Уголовнэ кодекс ия 159.2-рэ статья ия 4-рэ Iахь къыдилъытэрэ бзэджэшIагъэ (шхъухьэ зэрихьи, ахъщэшхо къызIэкIигъэхьагъ) ащ зэрихьагъ.
ЗэрагъэунэфыгъэмкIэ, А. М. Мырзэм медицинэ тхылъ нэпцIхэр къызфигъэфедэхи, я 2-рэ купым хэхьэрэ сэкъатныгъэ зиIэхэм афагъэуцурэ пенсиер зыфаригъэгъэуцугъ. Хэбзэнчъэу сомэ миллион 1,8-рэ ащ къыратыгъ.Адыгэ Республикэм хэгъэгу кIоцI IофхэмкIэ и Министерствэ уголовнэ Iофэу къызэуIихыгъэмкIэ къызыпкъырыкIыгъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ къыIэкIигъэхьэгъэ материалхэр ары.Адыгэ Республикэм и Тэхъутэмыкъое хьыкум ышIыгъэ унашъом тетэу бзэджашIэм условнэу илъэси 2-рэ мэзи 6-рэ тыралъхьагъ.