Тикомандэ итекIоныгъ

ФутболымкIэ Урысыем ипервенствэ иятIонэрэ лигэ хэт Мыекъопэ «Зэкъошныгъэм» зичэзыу турым къыдыхэлъытэгъэ ешIэгъоу иIагъэм текIоныгъэ къыщыдихыгъ. Мы мафэхэм тихьэкIагъ къалэу Махачкала икомандэу «Динамо-2-р».

«Зэкъошныгъ» — «Динамо-2» — 2:1 (1:1).Къэлапчъэм Iэгуар дэзыдзагъэхэр: Магомедовыр (я 9-рэ такъикъым), Ильясовыр (я 29-рэ такъикъым, ежь икъэлапчъэ дидзэжьыгъ) ыкIи Датиевыр (я 78-рэ такъикъым).«Зэкъошныгъэм» щешIагъэх: Хачировыр (къэлэпчъэIут), Чер­джиевыр, ХъуакIор, Юшко, Цанава (Едыджыр), Солоп, Къонэр (Хьэхыр), Коблыр, Казаровыр (Зезэрахьэр), Датиевыр, Делэ­къор (Хьапыщтыр).Тренер шъхьаIэр — Александр Кайвановыр.«Динамо-2-м» хэтыгъэх: Ибрагимовыр (къэлэпчъэIут), Будайхановыр, Ильясовыр (Хидировыр), Агабековыр (Михтеевыр), Будуновыр (Алиевыр), Гокгозовыр, Гулиныр, Ляшовыр, Магомедовыр, Седрединовыр (Таштемировыр), Алиевыр (Агаларовыр).Тренер шъхьаIэр — Ника Поцхверашвили.Мы илъэс ешIэгъумкIэ «Зэкъош­ныгъэм» иапэрэ зэIукIэгъоу Мые­къуапэ щыкIуагъэм еплъынэу республикэ стадионым нэбгырэ 580-рэ къыщызэрэугъоигъ. ЗэкIэри текIоныгъэм ежагъэх. Тикомандэ ныбжьыкIабэ хэт, ахэр чIыпIэ футболистых. Я 9-рэ такъикъым хьакIэхэм пчъагъэр къызэIуахын алъэкIыгъ. Ау апэрэ таймым бысымхэм къэлапчъэм зы Iэгуао дадзагъ, пчъагъэр зэфэдиз хъугъэ – 1:1. КъыкIэлъы­кIорэ Iэгуаор дадзэнымкIэ такъикъ 40 тешIагъ. «Зэкъошныгъэм» хэт Заур Датиевыр къэлапчъэм пэчыжьэу ащ дэуагъ ыкIи Iэгуаор дидзагъ, 2:1-у тифутболистхэм текIоныгъэр къыдахыгъ.

— Мы илъэс ешIэгъумкIэ апэрэ зэIукIэгъоу Мые­къуапэ щытиIагъэм текIоныгъэр къызэрэщыдэтхыгъэм мэхьанэшхо иI. Мызыгъэгум бэ къыддэхъу­гъэр, ау къэлапчъэм Iэгуаор дэтыдзэнымкIэ амалэу тиIэхэр дгъэфедэнхэ тлъэ­кIырэп, а лъэныкъом тынаIэ нахь тедгъэтын фае, — къыIуагъ тикомандэ итренер шъхьаIэу Александр Кайвановым.А 2-рэ турым изэфэхьысыжьхэр:«Нарт» — «Нефтяник» — 5:0, «Кызылташ» — «Чайка-М» — 2:0, «ПСК» — «Заря» — 3:1, «Спартак-Налщык» — «Победа» — 4:1, «Астрахань» — «Ангушт» — 0:1, «Рубин Ялта» — «Шахтер» — 0:2, «Зэкъошныгъ» — «Динамо-2» — 2:1, «Севастополь» — «Ростов-2» — 2:1.Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Спартак-Налщык» — 6.
2. «Севастополь» — 6.
3. «Кызылташ» — 6.
4. «Ангушт» — 6.
5. «Нарт» — 3.
6. «Ростов-2» — 3.
7. «Шахтер» — 3.
8. «ПСК» — 3.
9. «Зэкъошныгъ» — 3.
10. «Динамо-2» — 3.
11. «Рубин Ялта» — 3.
12. «Нефтяник» — 3.
13. «Астрахань» — 0.
14. «Чайка-М» — 0.
15. «Победа» — 0.
16. «Заря» — 0.«Зэкъошныгъэм» зичэзыу ешIэ­гъоу иIэщтыр мэлылъфэгъум и 11-м Луганскэ щыкIощт, чIыпIэ командэу «Зярям» IукIэщт.