Теннис цIыкIумкIэ Адыгэ Республикэм изэIухыгъэ турнир мэлылъфэгъум и 8-м къыщегъэжьагъэу и 11-м нэс Мыекъуапэ щыкIощт.
Программэу «Урысыем инеущырэ маф» зыфиIорэм къыдыхэлъытэгъэ зэнэкъокъум сэнаущыгъэ зыхэлъ спортсменхэм зыщаушэтыщт. Ахэр Къыблэ ыкIи Темыр-Кавказ федеральнэ шъолъырхэм къарыкIыщтых.Зыныбжь илъэс 12-м, 14-м ыкIи 18-м шIомыкIыгъэхэр ары Iофтхьабзэм хэлэжьэщтхэр. ЗэхэщакIохэм программэ гъэшIэгъон зэхагъэуцуагъ, унэе зэнэкъокъухэм адакIоу, командэхэми заушэтыщт.Теннис цIыкIум хэхъоныгъэ ышIынымкIэ, мыщ пыщагъэхэм япчъагъэ нахьыбэ хъунымкIэ программэу «Урысыем инещырэ маф» зыфиIорэм мэхьанэшхо иI. Адыгэ къэралыгъо университетым и Ордэунэу Кобл Якъубэ ыцIэ зыхьырэм щыкIощт турнирым шъуеплъынэу зэхэщакIохэм шъурагъэблагъэ.