Финалныкъом ихьагъэхэм ащыщхэр къэнэфагъэх

ВолейболымкIэ Мыекъуапэ изэIухыгъэ чемпионат хэлэжьэрэ хъулъфыгъэ ыкIи бзылъфыгъэ командэхэм зэнэкъокъум иапэрэ едзыгъо аухынкIэ туритIу къафэнагъ. Я 3-м изэфэхьысыжьхэмкIэ финалныкъом ихьагъэхэм ащыщхэр къэнэфагъэх.

Апэрэ купым щешIэрэ Мыекъо­пэ спорт еджапIэм икомандэ (2009-рэ илъэсым къэхъугъэхэр) ящэнэрэ текIоныгъэ къыдихыгъ, мызыгъэгум 3:1-у «Лабинскэм» къышIуихьыгъ. Ащ ишIуагъэкIэ къыкIэлъыкIощт едзыгъом хэлэжьэнэу фитыныгъэ къыдихыгъ. Мы купым хэт командэу финалныкъом иятIонэрэ путевкэ къыдэзыхыгъэр джыри къэнэфагъэп. Ащ фэбанэх республикэм икъэлэ шъхьаIэ къэзыгъэлъэгъорэ «Нартымрэ» Красногвардейскэ рай­оным икомандэу «Авангардымрэ». Арышъ, зичэзыу ешIэгъухэр гъэшIэгъонэу зэрэкIощтхэм щэч хэлъэп.

Апэрэ купым хэт хъулъфыгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «СШ N 1 (2009)» — 9.
2. «Нарт» — 5.
3. «Авангард» — 3.
4. «Лабинск» — 1.
5. «Фыщт» — 0.

ЯтIонэрэ купым хэт «Олимпым» 3:0-у изэIукIэгъу къыхьыгъ, финалныкъом ихьагъ. «ПК МГТУР-р» 3:0-у «Юниорым» текIуагъ, ащи медальхэм афэбэнэн амал иIэщт.ЯтIонэрэ купыр:

1. «Олимп» — 9.
2. «ПК МГТУ» — 6.
3. «СШ N 1 (2011)» — 3.
4. «Исход» — 0.
5. «Юниор» — 0.

Бзылъфыгъэ командэхэм ащыщэу апэу финалныкъом ихьагъэр «Адыгеир» ары. БлэкIыгъэ турым ар Лабинскэ къэзыгъэлъэгъорэ «Фениксым» нахь лъэшыгъ, пчъа­гъэр — 3:0. Еджэркъуае икомандэ 3:1-у Адыгэ къэралыгъо университетым текIуагъ. Ащ ишIуагъэкIэ къуаджэм илIыкIохэр финалныкъом ихьанхэмкIэ амалышIухэр яIэ хъугъэ.Апэрэ купым щешIэрэ бзылъфыгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Адыгея» — 9.
2. «Феникс» — 4.
3. «Еджэркъуай» — 3.
4. «СШ N 1 (2009)» — 2.
5. «АГУ» — 0.

ЯтIонэрэ купыр:

1. «Юг-Альянс» — 9.
2. «Адыгея-Пантеры» — 3.
3. «СШ N 1 (2011)» — 3.
4. «Виктория» — 2.
5. «СШ Шытхьал» — 0.

Я 4-рэ турым къыдыхэлъытэгъэ ешIэгъухэр мэлылъфэгъум и 4 — 5-м щыIэщтых. Шэмбэтым зэIукIэщтых хъулъфыгъэ командэхэр: «ПК МГТУ» — «Исход», «СШ N 1 (2011)» — «Юниор», «СШ N 1 (2009)» — «Авангард», «Фыщт» — «Лабинск».Тхьаумафэм бзылъфыгъэ командэхэр ешIэщтых: «СШ N 1 (2011)» — «Виктория», «СШ N 1 (2009)» — «Еджэркъуай», «Адыгея-Пантеры» — «СШ Шытхьал», «АГУ» — «Адыгея».