Батутым щыдэпкIэенымкIэ республикэ зэнэкъокъоу «Весенние ласточки» зыфиIорэр Адыгеим икъэлэ шъхьаIэ щырагъэкIокIыгъ. Ащ нэбгырэ 50-м ехъу хэлэжьагъ.
Анахь цIыкIухэм якуп пэрытныгъэр щиубытыгъ Анна Мальцевам, Варвара Тепляковар ятIонэр, Александр Ященкэм ыкIи Мила Коробка ящэнэрэ чIыпIэр зэдагощыгъ.ЯтIонэрэ ныбжьыкIэ разрядымкIэ зызыушэтыгъэ спортсменхэр пштэмэ, Вирджиния Гердюк дышъэ медаль къыхьыгъ, Алина Гребла ятIонэр, Алина Кравченкэм ящэнэрэ чIыпIэр фагъэшъошагъ. Апэрэ ныбжьыкIэ разрядымкIэ хагъэунэфыкIырэ чIыпIэхэр къыдахыгъэх: София Копьевам, Екатерина Стебаевам ыкIи Оксана Севостьяновам. Спортым имастерхэм япрограммэкIэ Анастасия Климовамрэ Степан Кузнецовымрэ пэрытныгъэр аубытыгъ. Джащ фэдэу къахэщыгъэх: Андрей Барановскэр, Кристина Распоповар, Олег Таран ыкIи Ариана Климовар.