Зэнэкъокъур рагъэжьагъ

ФутболымкIэ Урысыем ипервенствэ иятIонэрэ лигэ хэт Мыекъопэ «Зэкъошныгъэм» апэрэ турым къыдыхэлъытэгъэ ешIэгъоу иIагъэр къалэу Махачкала щыкIуагъ. Ящэнэрэ лигэм къыхэкIыгъэ «Нефтяникым» тикомандэ IукIагъ.

«Нефтяник» (Избербаш) — «Зэкъошныгъ» (Мые­къуапэ) — 2:1 (0:1).Къэлапчъэм Iэгуар дэзыдзагъэхэр: Къонэр (я 15-рэ та­къикъым), Курбановыр (я 67-рэ такъикъым) ыкIи Темирсултановыр (я 83-рэ такъикъым).«Нефтяникым» хэтыгъэх: Ремихановыр (къэлэпчъэIут), Ке­римовыр, Манаговыр, Акаевыр, Салиховыр, Гамзатовыр (Акаевыр, Зилпукаровыр), Абдусаламовыр (Магомедовыр), Мирзабековыр (Нурадиновыр), Алиевыр (Темирсултановыр).Тренер шъхьаIэр — Ренат Мифтаховыр.«Зэкъошныгъэм» щешIагъэх: Хачировыр (къэлэпчъэIут), Чер­джиевыр, Юшко, Цанава, Солоп, Къонэр (Антоненкэр), Коблыр (Хьапыщтыр), Казаровыр (Хьэхыр), Датиевыр, Васильевыр, Де­лэкъор.Тренер шъхьаIэр — Александр Кайвановыр.ЕшIэгъум ипэублэ «Зэкъош­ныгъэм» пчъагъэр къызэIуихын ылъэ­кIыгъ. Я 57-рэ такъикъым Къонэ Амир къэлапчъэм Iэуаор дидзагъ — 1:0. Апэрэ таймым тикомандэ пчъагъэм хигъэхъонымкIэ амалышIухэр иIагъэх, ау ащ нахьыбэ къыдэхъугъэп. ЯтIо­нэрэ едзыгъом ия 65-рэ такъикъ «Зэкъошныгъэм» иухъумакIоу Никита Васильевым шапхъэхэр ыукъуагъэх, ешIапIэм къырагъэ­кIыгъ. Ащ ыуж такъикъитIу нахь темышIэу бысымхэм пчъагъэр зэфэдиз ашIыгъ. Я 83-рэ такъи­къым Асилдер Темирсультано-вым джыри зы Iэгуао тикъэлапчъэ къыдидзагъ, 2:1-у «Нефтяникым» текIоныгъэр къыдихыгъ.А 1-рэ турым изэфэхьысыжьхэр:«Победа» — «Ангушт» — 0:1, «Шахтер» — «Кызылташ» — 0:1, «Ростов-2» — «ПСК» — 4:2, «Заря» — «Севастополь» — 1:4, «Астрахань» — «Спартак-Налщык» — 0:2, «Нефтяник» — «Зэкъошныгъ» — 2:1, «Чайка-М» — «Рубин Ялта» — 0:1, «Динамо-2» — «Нарт» — 1:0.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 3.
2. «Ростов-2» — 3.
3. «Спартак-Налщык» — 3.
4. «Нефтяник» — 3.
5. «Ангушт» — 3.
6. «Кызылташ» — 3.
7. «Рубин Ялта» — 3.
8. «Динамо-2» — 3.
9. «Зэкъошныгъ» — 0.
10. «Нарт» — 0.
11. «Победа» — 0.
12. «Чайка-М» — 0.
13. «Шахтер» — 0.
14. «ПСК» — 0.
15. «Астрахань» — 0.
16. «Заря» — 0.«Зэкъошныгъэм» зичэзыу ешIэ­гъоу иIэщтыр мэлылъфэгъум и 4-м сыхьатыр 4-м Мыекъуапэ щыкIощт, Махачкала икомандэу «Динамо-2-р» тихьакIэщт.