БоксымкIэ Къыблэ федеральнэ шъолъырым ипервенствэ къалэу Элиста щыкIуагъ. Мыщ илъэс 13 — 14 зыныбжь кIалэхэм ыкIи пшъашъэхэм зыщаушэтыгъ. Адыгэ Республикэм илIыкIохэм ухьазырыныгъэ дэгъу къагъэлъэгъуагъ, медали 6 къахьыгъ.
Шъолъыр зэнэкъокъум нэбгырэ 200 фэдиз хэлэжьагъ. ТикIалэхэм ащыщэу кIэух зэIукIэгъум зи нэсыгъэп. Финалныкъом ащ фэдэ амал яIагъ Шъхьэлэхъо Абдулла, Къэрдэнэ Таймураз, Игорь Потоловым ыкIи Леонид Лодневым. Ау мыхэм зэкIэми къатекIуагъэх ыкIи ящэнэрэ чIыпIэхэр къафагъэшъошагъ.
Пшъашъэхэм язэнэкъокъу хэлэжьэгъэ ХьакIэко Ланэ финалым нэсыгъ, ау Краснодар краим щыщ Кристина Тощевиковар къытекIуагъ, тиспортсменкэ тыжьын медаль къыхьыгъ.Илъэс 17 — 18 ыкIи 19 — 22-рэ зыныбжьхэм язэнэкъокъу мэлылъфэгъум и 11-м къыщегъэжьагъэу и 17-м нэс Волгоград щыкIощт.