Лъэпкъ гвардием АдыгеимкIэ икъулыкъушIэ дзюдомкIэ Урысыем и Къыблэ изэнэкъокъоу Ермэлхьаблэ щызэхащагъэм дышъэ медаль къыщихьыгъ. Iофтхьабзэм росгвардейци 100-м ехъу хэлэжьагъ.
СамбэмкIэ спортым имастерэу Бэгъ Тимур килограмм 73-м нэс къэзыщэчыхэрэм якуп зыщиушэтыгъ, ухьазырыныгъэ дэгъу къыгъэлъэгъуагъ ыкIи къытефэу апэрэ чIыпIэр къыфагъэшъошагъ.Зэнэкъокъум изэфэхьысыжьхэмкIэ хэшыпыкIыгъэ командэ агъэнэфагъ, егъэджэн-зыгъэхьазырын угъоинхэм ауж ащ хэтхэр къалэу Шъачэ щыкIощт къулыкъум ичемпионат хэлэжьэщтых.