Республикэу Къырымрэ къалэу Севастопольрэ Урысыем къызхэхьажьыгъэхэм ия 12-рэ илъэс фэгъэхьыгъэу кушъхьэфэчъэ спортымкIэ Мыекъуапэ ипервенствэ мы мафэхэм рагъэкIокIыгъ. Илъэс 11 — 16 зыныбжь кIалэхэр ыкIи пшъашъэхэр зэнэкъокъугъэх.
Александр Игнатьевым, Лучезар Пашковым, Артем Невидомым, Софья Ахряповам, Евгения Наумовам, Бэрзэдж Джэнэт дышъэ медальхэр къахьыгъэх. Мыхэм республикэ спорт еджапIэм зыщагъасэ.
Мы спорт лъэпкъымкIэ зичэзыу зэнэкъокъухэр мэлылъфэгъум и 9 — 11-м тишъолъыр щызэхащэщтых. Кушъхьэфэчъэ спортымкIэ титренер цIэрыIоу Анатолий Васильевым ишIэжь фэгъэхьыгъэщт Адыгэ Республикэм ипервенствэ.