ДзюдомкIэ зэнэкъокъоу «Патриотхэм ялиг» зифиIорэр къалэу Новороссийскэ щыкIуагъ. Зыныбжь илъэс 15-м емыхъугъэ кIалэхэр ары зызыушэтыгъэхэр.
Урысыем ишъолъыри 10-мэ къарыкIыгъэ спортсмен 200-м ехъу зэнэкъокъугъ. Адыгэ Республикэм илIыкIохэм ухьазырыныгъэ дэгъу къагъэлъэгъуагъ, медальхэр къахьыгъэх.Килограмм 46-м нэс къэзыщэчыхэрэм якуп хэтыгъэ Iэшъхьэмэфэ Салим дышъэ медаль къыфагъэшъошагъ. ЖакIэмыкъо Дамир килограмм 73-м нэс къэзыщэчыхэрэм якуп зыщиушэтыгъ ыкIи къытефэу пэрытныгъэр ыубытыгъ. ЦунтIыжъ Алкъэс, Игнат Лузган тыжьын медальхэр къахьыгъэх, Олег Ваниныр ящэнэрэ хъугъэ.Мы зэнэкъокъум джыри зэ къыгъэлъэгъуагъ сэнаущыгъэшхо зыхэлъ спортсмен ныбжьыкIэхэр зэрэтиIэхэр. Тренерхэм дэгъоу яIофшIэн зэрагъэцакIэрэм, республикэм испорт организациехэм IэпыIэгъоу къаратырэм яшIуагъэкIэ тибэнакIохэм мыщ фэдэ къэгъэлъэгъон дэгъухэр яIэх.Тичемпионхэм ыкIи хагъэунэфыкIырэ чIыпIэхэр къыдэзыхыгъэхэм тафэгушIо, тапэкIи гъэхъэгъэшIухэр ашIынхэу, Адыгеим ыцIэ дахэкIэ рарагъэIонэу афэтэIо.