Зэнэкъокъоу «Предгорья Кубани» зыфиIоу аублагъэм Адыгеим испортсменхэр хэлажьэх. Мыр ятIонэрэ илъэс хъугъэу Апшеронскэ районым хэхьэрэ къутырэу Николаенкэм щырагъэкIокIы.
Тикомандэ медалих къыхьыгъ. Зэнэкъокъум хэлажьэх Апшеронскэ, Шытхьалэ, Псы Фабэ, Мыекъуапэ, Хъыдыжъ ыкIи къутырэу Николаенкэм якомандэхэр.Адыгеим щыщ спортсмен 20 зэнэкъокъухэм ахэлажьэ. Ахэм азыныкъор зыныбжь икъугъэх. Спортсменхэр купищэу гощыгъэх. Мыщ дэжьым къыщыдэлъытэгъэн фае хъулъфыгъэ ыкIи бзылъфыгъэ командэхэу ахэр зэрэщымытхэр. Апэрэ лигэм щешIагъэх IэпэIэсэныгъэ зиIэ спортсменхэр. Ащ ифинал щызэIукIагъэх Мыекъуапэ щыщхэу Александр Воронцовымрэ Дмитрий Гончаровымрэ. Пчъагъэр 3:0-у Воронцовым текIоныгъэр къыдихыгъ. ЯтIонэрэ лигэм ифинал джащ фэдэу щызэIукIагъэх Мыекъуапэ щыщхэр. Апэрэ чIыпIэм фэбэнагъэх IэпэIэсэныгъэ зиIэ Адыгеим испортсменкэу Людмила Шунскаямрэ спорт еджапIэу N 1-м зыщызыгъэсэрэ Арина Петровскаямрэ. Пчъагъэр 3:0-у Шумскаям текIоныгъэр къыдихыгъ. Ящэнэрэ лигэм икIэух ешIэгъу нэсыгъ Мыекъуапэ щыщ спортсменкэр. Ау Нэгэрэкъо Миланэ къытекIуагъ бысым спортсменэу Савелий Афонькиныр, пчъагъэр — 0:3. Тиспорсменкэ ятIонэрэ чIыпIэр ыубытыгъ.Мыр зэнэкъокъум иапэрэ турыгъ, зэкIэмкIи едзыгъуиплI мэхъу. ТекIоныгъэр къыдэзыхыгъэр тыгъэгъазэм къэнэфэщт.