БаскетболымкIэ Урысыем ичемпионат иапшъэрэ лигэ хэт командэхэм апэрэ едзыгъом къыдыхъэлъытэгъэ зэIукIэгъухэр аухыгъэх.
Мыекъопэ «Динамо-МГТУ-р» «Динамо» (Уфа) дешIагъ, текIоныгъитIу къыдихыгъ (70:66 ыкIи 83:73). Мыщ фэдэ гъэхъагъэ ышIыгъ нахь мышIэми, республикэм икомандэ я 9-рэ чIыпIэр ыубытыгъ ыкIи къыкIэлъыкIорэ уцугъом пхырыкIыгъэп. Джы Артем Гапошиным икомандэ Ставрополь къэзыгъэлъэгъорэ «Южный слон-СКФУ» зыфиIорэм IукIэщт, мыхэр я 9-рэ чIыпIэм фэбэнэщтых.Командэхэр зыдэщыт чIыпIэхэр ыкIи очко пчъагъэу рагъэкъугъэр:
- «Русичи» (Курск) — 64.
- «Десна» (Брянскэ хэку) — 63.
- «ТСК-УРАЛ-УрГУПС» (Екатеринбург) – 63.
- «Динамо-2» (Уфа) — 57.
- «ЦСП-Химки» (Московскэ хэку) — 56.
- «Металлург-Челбаскет» (Челябинскэ хэку) — 51.
- «Чебоксарские ястребы» (Чебоксары) — 50.
- «Нефтехимик» (Тобольск) — 48.
- «Динамо-МГТУ» (Мыекъуапэ) — 46.
- «Южный слон-СКФУ» (Ставрополь) — 42.