Атлетикэ псынкIэмкIэ зэнэкъокъоу «Кубанские чемпионы — детям» зыфиIорэр къалэу Краснодар щыкIуагъ. Мыщ зыныбжь илъэс 16-м ыкIи 18-м емыхъугъэхэр хэлэжьагъэх, зэкIэмкIи спортсмен 627-рэ.
Мыекъуапэ щыщ Арина Афанасовар къызэдэчъэнымкIэ (метрэ 60 ыкIи 200) ятIонэрэ чIыпIитIу къыдихыгъ. Мы лъэныкъомкIэ Варвара Иваненкэм джэрз медаль къыфагъэшъошагъ. Пшъашъэхэм олимпийскэ резервым испорт еджапIэу N 1-м зыщагъасэ, Евгений ыкIи Екатерина Потоцкэхэр ятренерых.