Урысые физкультурэ-­спорт комплексэу «Iоф­шIэным ыкIи зы­къэухъумэжьыным са­фэхьазыр» зы­фиIорэм имэфэкI гъэтхапэм и 11-м хагъэунэфыкIыгъ. Ащ ехъулIэу ГТО-м ­икIымэфэ фестиваль Мыекъуапэ щырагъэкIо­кIыгъ, мыщ командэхэм зыщаушэтыгъ.

Адыгеим ирайон зэфэшъхьаф­хэм къарыкIыгъэ кIалэхэр ыкIи пшъашъэхэр ары Iофтхьабзэм хэлэжьагъэхэр, ахэм илъэс 16 — 17 аныбжь.
Тэхъутэмыкъое районым ­икомандэ балл 2747-рэ ригъэ­къугъ ыкIи ящэнэрэ чIыпIэр къы­дихыгъ. Мыекъопэ районыр ятIо­нэр, ащ балл 2902-рэ къыхьыгъ. Джэджэ районым илIыкIохэм те­кIоныгъэр афагъэшъошагъ, ахэм балл 3182-рэ рагъэкъугъ.
Унэе зэнэкъокъухэм ащатекIуагъэх республикэм икъэлэ шъхьаIэ щыщ Кирилл Скиба ыкIи Мыекъопэ районым илIыкIоу Алина Мартышевскаяр.