Адыгеим и ЛIышъхьэу КъумпIыл Мурат пшъэрылъэу къышIыгъэр агъэцакIэзэ, Хэгъэгум иухъумакIо и Мафэ ипэгъокIэу АР-м и Къэралыгъо Совет – Хасэм идепутатхэм хэушъхьафыкIыгъэ дзэ операцием хэлажьэхэрэм апае шIушIэ IэпыIэгъу атIупщыгъ.

Советскэ Союзым и ЛIыхъужъэу Андрыхъое Хъусен ыцIэ зыхьырэ я 3-рэ артиллерийскэ дивизионым пае «УАЗ» автомашинитIу атIупщыгъ. ТидзэкIолIхэм пшъэрылъэу яIэхэм ягъэцэкIэнкIэ ахэр къашъхьэпэщтых.
Автомобильхэр нэкIэу амыгъакIохэу, гъомылапхъэхэмкIэ аушъагъэх. Шъолъыр Парламентым идепутатхэм станицэу Дондуковскэмрэ селой Большесидоровскэмрэ ащыпсэухэрэр ягъусэхэу къаугъои, псыхэр, пхъэшъхьэ-мышъхьэхэр, щайхэр, шъоущыгъу, нэмыкIэу мафэ къэс ящыкIэгъэщтхэр афатIупщыгъэх.
ТидзэкIолIхэм апае шIушIэ IэпыIэгъур республикэ Парламентымрэ партиеу «Единэ Россием» ишъолъыр къутамэрэ зэдеIэхэзэ апэрэп зэратIупщырэр.