Партиеу «Единэ Россием» и Адыгэ шъолъыр къутамэрэ АР-м IофшIэнымкIэ ыкIи социальнэ хэхъоныгъэмкIэ и Министерствэрэ гуфакIохэм я Координационнэ гупчэ хэтхэри ягъусэхэу хэушъхьафыкIыгъэ дзэ операцием хэлажьэхэрэм апае шIушIэ IэпыIэгъу агъэхьазырыгъ.

Партием илъэпкъ программэ къыдыхэ­лъытагъэу, АР-м и ЛIышъхьэу, «Единэ Россием» и Адыгэ шъолъыр къутамэ и Секретарэу КъумпIыл Мурат пэщэны­гъэр дызэрихьэзэ мыр гъэцэкIагъэ хъугъэ.
Мэзаем и 19-м атIупщыгъ къаугъоигъэ зичэзыу шIушIэ IэпыIэгъур. Ар Адыгеим иподразделениехэр зыдэщыIэ чIыпIэхэм охътэ благъэм анэсыщт. ПстэумкIи ар тонн 50 мэхъу. АтIупщыгъэм щыщых щайхэр, щыгъур, адыгэ къуаер, охътэ кIэкIкIэ бгъэхьазырын плъэкIыщт супхэр, аджикэ гъэгъугъэр, псыхэр, газкIэ Iоф зышIэрэ псэуалъэхэр, нэмыкIхэр. Ахэм анэмыкIэу гуфакIохэм хьалыгъур, нэмыкIэу хьаджыгъэм хэшIыкIыгъэ шхыныгъохэр афагъэжъагъэх, IэшIу-IушIу зэфэшъхьафхэр афашIыгъэх.
Къыхэгъэщыгъэн фае мы шIушIэ Iофым хъызмэтшIапIэхэмрэ унэе предпринимательхэмрэ къызэрэхэлэжьагъэхэр.