Адыгэ Республикэм щыпсэухэу, Урысыем и УIэшыгъэ КIуачIэхэм ядзэкIолIхэу ыкIи яветеранхэу лъытэныгъэ зыфэтшIыхэрэр!
Хэгъэгум иухъумакIо и Мафэ фэшI тышъуфэгушIо!

Мы мэфэкIыр лIыхъужъныгъэм, блэнагъэм ятамыгъ, хэгъэгур зэрэпсаоу ащ зэрепхы, хэбзэ шIагъохэу лIэужхэм зэIэпахыхэрэр нахь къеIэтых, Хэгъэгум икъэу­хъумэн зищыIэныгъэ фэзгъэIорышIэрэ дзэкъулыкъушIэхэм, чIыпIэ зэпэуцужьхэм яветеранхэм лъытэныгъэшхоу афэтшIырэр къыхэщы.
Тихэгъэгушхо илъэпкъ федэхэр, ищынэгъончъэн псэемыблэжьэу къэзыухъумэхэрэм ыкIи къэзыухъумагъэхэм инэу тызэрафэразэр непэ къэтэIо.
Урысыеу цIыф лъэпкъ зэфэшъхьафыбэмэ къахэкIыгъэхэр зыщыпсэухэрэм непэ къыфыкъокIыгъэ пыим зыч-зыпчэгъоу ахэр пэуцужьых. Урысые Федерацием и Президентэу Владимир Путиным къыIогъагъ: «ХэушъхьафыкIыгъэ дзэ операцием иапэрэ мафэхэм къащыублагъэу а зэкъотныгъэр къэнэфагъ. Тихэгъэгу щыпсэурэ цIыф лъэпкъ пстэуми ялIыкIо шъэ пчъагъэхэр ежьхэм яшIоигъоныгъэкIэ дзэ комиссариатхэм къякIолIэгъагъэх ыкIи Донбасс къэзыухъумэхэрэм агоуцонхэу унашъо ашIыгъагъ. ЯчIыгу гупсэ, я Хэгъэгу, шъыпкъагъэм ыкIи зэфагъэм якъэу­хъумэн япшъэрылъ лъапIэу алъытэгъагъ».
1945-рэ илъэсым ТекIоныгъэшхор къыдэзыхыгъэ тятэхэм, тятэжъхэм ыкIи тятэжъ пIашъэхэм яIоф лъагъэкIуатэзэ, Украинэм инеонацистхэм пхъашэу ахэр апэуцужьых, мамырныгъэр къаухъумэ.
ХэгъэгумкIэ пшъэрылъышхоу шъуиIэр зэшIошъухынышъ, текIоныгъэр къыдэ­шъухыгъэу шъуадэжь псынкIэу къэжъугъэзэжьынэу шъуфэтэIо! ЗэкIэми тышъу­фэлъаIо псауныгъэ пытэ, щыIэкIэшIу шъуиIэнэу, шъуиунагъохэм тынчыгъэ-зэгурыIоныгъэ арылъынэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр