Россельхозбанкым и Къута­мэ игъэIорышIакIоу КIыкI Мурат фондэу «Хэгъэгум иухъумакIохэр» зыфиIорэм ишъолъыр къутамэ ипащэу ПIатIыкъо Аслъан зэIукIэгъу дыриIагъ. Хэушъхьафы­кIыгъэ дзэ операцием хэлажьэхэрэм ыкIи ахэм яунагъохэм IэпыIэгъу афэхъугъэным иIофыгъохэм ахэр атегущыIагъэх.

ЗэIукIэгъум анахьэу анаIэ зытырадзагъэр бэмышIэу къырахьы­жьэгъэ гукъэкIэу «Фермерхэм яеджапI» зыфиIорэр ары. Дзэ опе­рацием хэлажьэхэрэм мэкъу-мэщым ылъэныкъокIэ сэнэхьатыкIэ аIэ къырагъэхьаным, нэужым ежь яунэе Iоф рагъэжьэным, мамыр щыIакIэм пытэу хэуцонхэм проек-
тыр атегъэпсыхьагъ.
Проектэу «Фермерхэм яеджапIэ» имызакъоу, щыIэныгъэм ухэзыгъэгъозэрэ социальнэ-культурнэ программэу щыIэхэм хэушъхьафыкIыгъэ дзэ операцием иветеранхэр ахэлэжьэнхэм иамалхэм бгъуитIур атегущыIагъэх. Мамыр щыIакIэм къыхэхьажьыхэрэм яфинанс шIэныгъэхэм ахагъэхъонымкIэ, ямылъку зыхалъхьан алъэкIыщтыр къыха­хынышъ, яунэе Iоф зэхащэшъунымкIэ IэпыIэгъу арагъэгъотыщт. Мы гукъэкIхэр щыIэныгъэм щыпхырыщыгъэнымкIэ фондэу «Хэгъэгум иухъумакIохэм» зэдэлэжьэныгъэ дыриIэным Россельхозбанкыр зэ­рэфэхьазырыр ащ ипащэ къыхи­гъэщыгъ.