ПцэжъыеешэнымкIэ Мыекъуапэ ичемпионат гъэшIэгъонэу кIуагъэ. Мыекъопэ районым ит псыубытыпIэу «Кужорэм» щызэхащэгъэ зэнэкъокъум пцэжъые килограмм мини 3 фэдиз къыщыхадзыгъ. Нэбгырэ тIурытIу хъурэ команди 8 ащ хэлэжьагъ.

СпортымкIэ мастерхэу Артюхинхэу Сергейрэ Алексейрэ якомандэу «ASVOCODE» зыцIэм зэнэкъокъум ипэублэ къыщегъэ­жьагъэу пэрытныгъэр ыубытыгъ ыкIи къэгъэлъэгъон анахь дэгъу иIэу ар ыухыгъ. Мы нэбгыритIум зэкIэмкIи пцэжъые килограмм 574,5-м ехъу къыхадзыгъ, ипчъа­гъэкIэ 207-рэ, гурытымкIэ зым къыщэчырэр килограмми 2,7-рэ. Пцэжъые анахь инэу къыхадзыгъэм килограмми 9,4-рэ къещэчы.

Турнирым иаужырэ такъикъхэм анэс ятIонэрэ чIыпIэр къыдэзыхыщ­тыр къэшIэгъоягъ. Ащ фэбэна­гъэх командэхэу «Кузняteam» ыкIи «ASVOCODE-1» зыфиIохэрэр. Кузнецовхэу Дмитрийрэ Викторрэ нахь лъэшыгъэх, ахэм тыжьын медальхэр афагъэшъошагъэх. НэбгыритIум пцэжъые килограмм 519,4-м ехъу къыхадзыгъ, ахэр ары анахь иныри, килограмм 12,8-рэ къэзыщэчырэр, къэзыубытыгъэр. Ящэнэрэ чIыпIэр Вадим Гасановымрэ Денис Тенрэ къыдахыгъ.