ФутболымкIэ Адыгеим ичемпионат мы мафэхэм аухыгъ. Зэнэкъокъум къызэрэдилъытэу, командэ пэпчъ футболисти 8 хэтыгъ.

Кощхьэблэ районыр къэзыгъэ­лъэгъогъэ «Zihi» текIоныгъэр къыдихыгъ. Ащ ифутболистхэр дахэу ешIагъэх, зэIукIэгъу пэпчъ текIоныгъэм фэбэнагъэх. ЯтIонэрэ чIыпIэм щыт МФОК-у «Ошъутенэр», ар чемпионым зы очкокIэ ыуж къинагъ. Ящэнэрэ хъугъэ Мыекъопэ районым икомандэу «Троя».
Къэлапчъэм Iэгуаор анахьыбэрэ дэзыдзагъэхэр Иван Матренинымрэ Джыгунэ Арсенрэ.
ТекIоныгъэр къыдэзыхыгъэ командэм Урысыем ичемпионат ифинал едзыгъоу Шъачэ щыкIощтым Адыгеир къыщигъэлъэгъощт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Zihi» - 10.
2. МФОК-у «Ошъутен» - 9.
3. «Троя» - 6.
4. «Братство» - 3.
5. «Спортмастер» - 1.