Пчъагъэр зэфэдиз

ФутболымкIэ Урысыем ипервенствэ иятIонэрэ лигэ хэт «Зэкъошныгъэм» я 10-рэ турым къыдыхэлъытагъэу зэнэкъокъум ятIонэрэ чIыпIэр щызыIыгъ «Севастополым» мы мафэхэм IукIагъ, пчъагъэр зэфэдизэу ешIэгъур аухыгъ. Ащ нэбгырэ 1800-рэ еплъыгъ.

«Севастополь» — «Зэкъошныгъ» — 0:0.«Севастополь» хэтыгъэх:Вертиевыр (къэлэпчъэIут), Абзалиловыр, З. Алиевыр, Потаповыр, Шахтиевыр, Б. Алиевыр (Гевлич), Дугу, Зубаваленкэр (Супрун), Ивановыр (Османовыр), Рубан (Пигулевскэр), Степанович (Максимовыр).Тренер шъхьаIэр — Станислав Гудзикевич.«Зэкъошныгъэм» щешIагъэх:Хачировыр (къэлэпчъэIут), Черджиевыр, Солоп, Блэгъожъыр, Къэбжыр, Васильевыр, Юшко, Хьэхыр (Едыджыр), Цанава (Шустовыр), Къонэр (Антоненкэр), Делэкъор (Iащэр).Тренер шъхьаIэр — Александр Кайвановыр.Мы командэхэм язэIукIэгъухэр сыдигъуи гъэшIэгъонэу, текIоныгъэр къыдэзыхыщтыр къэшIэ­гъуаеу макIох, мызыгъэгури ащ фэдагъ. Апэрэ такъикъхэм къащегъэжьагъэу бысымхэм ешIэкIэ лъэш къагъэлъэгъуагъ, ахэр бэрэ ыпэкIэ илъыщтыгъэх, тикъэлапчъэ къыдаощтыгъэх.ЯтIонэрэ едзыгъори апэрэм зыкIи текIыгъэп, футболистхэм алъэкI къагъэнагъэп, ау къэлап­чъэм Iэгуаор дадзэн алъэкIыгъэп. Пчъагъэр 0:0-у ешIэгъур аухыгъ.

— Гухэлъэу тиIагъэр ухъумэным нахь тыпылъыныр, къыд­дэхъумэ, псынкIэу ыпэкIэ тилъыныр ары. Зэнэкъокъум хэлэжьэрэ командэ анахь лъэшхэм ащыщым дэгъоу тыдешIагъ, тикъэлапчъэ Iэгуаор къыдедгъэдзагъэп, — къыIуагъ «Зэкъошныгъэм» итренер шъхьаIэу Александр Кайвановым.Я 10-рэ турым изэфэхьысыжьхэр:«Шахтер» — «Победа» — 3:1, «Заря» — «Нефтяник» — 3:0, «Кызылташ» — «Ангушт» — 5:1, «Чайка-М» — «Астрахань» — 0:3, «Ростов-2» — «Динамо-2» — 3:1, «Рубин Ялта» — «Спартак-Налщык» — 1:1, «ПСК» — «Нарт» — 0:0, «Севастополь» — «Зэкъош­ныгъ» — 0:0.Турнир таблицэм пэрытныгъэр щиIыгъ донецкэ «Шахтерым», «Зэкъошныгъэр я 9-рэ чIыпIэм щыт. Тикомандэ мэкъуогъум и 6-м Мыекъуапэ щешIэщт, «ПСК-р» тихьакIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Шахтер» — 25.
2. «Севастополь» — 21.
3. «Ростов-2» — 21.
4. «Кызылташ» — 17.
5. «ПСК» — 17.
6. «Спартак-Налщык» — 16.
7. «Нарт» — 15.
8. «Рубин Ялта» — 15.
9. «Зэкъошныгъ» — 15.
10. «Победа» — 14.
11. «Ангушт» — 13.
12. «Астрахань» — 12.
13. «Заря» — 9.
14. «Нефтяник» — 9.
15. «Динамо-2» — 4.
16. «Чайка-М» — 1.