Хэгъэгу зэошхом иветеранхэу лъытэныгъэ зыфэтшIыхэрэр!ТичIыпIэгъу лъапIэхэр!
ТекIоныгъэшхом ия 81-рэ илъэскIэ тыгу къыддеIэу тышъуфэгушIо!Мы мэфэ лъапIэм Урысыем илIэужхэр зэкIэ зэрепхых. Тишъхьафитыныгъэ къытфэзыухъумэгъэ дзэкIолI бланэхэм, псэемыблэжьэу тылым щылэжьагъэхэм шъхьащэ афэтэшIы, тятэхэу, тятэжъхэу, тятэжъ пIашъэхэу Хэгъэгум ишъхьафитыныгъэ къэзыгъэгъунагъэхэм, дунаир фашизмэм щызыухъумагъэхэм тарэгушхо, ахэм ТекIоныгъэшхор къинэу къазэрафыдэкIыгъэр тщыгъупшэрэп.1945-рэ илъэсым жъоныгъуакIэм и 9-р цIыф лъэпкъыбэмэ языкIыныгъэрэ язэкъотныгъэрэ ятамыгъэу тихэгъэгу итарихъ къыхэнэжьыщт.Уахътэм пшъэрылъыкIэхэр къызыщигъэуцурэ тилъэхъан ТекIоныгъэр къытфыдэзыхыгъэхэм тягупшысэ- зыхъукIэ, цIыфлъэпкъым осэшхо зыфишIырэ шIуагъэ хэм, къэралыгъом инеущырэ мафэ зыфэдэщтымкIэ пшъэдэкIыжь зэрахьырэр зэхашIэным, Хэгъэгур шIу алъэгъуным мэхьанэшхо зэряIэр къыдгурэIо. Патриотическэ Iофтхьабзэхэм ахэлэжьэнхэм ныбжьыкIэхэр ащ тырегъэгушхох, Хэгъэгум ыпашъхьэ пшъэдэкIыжь зэрэщахьырэр зэхарегъашIэ, ТекIоныгъэр къыдэзыхыгъэ лIэужхэр хэушъхьафыкIыгъэ дзэ операцием зипшъэрылъ щызыгъэцэкIэрэ урысые дзэкIолIхэмрэ офицерхэмрэ щысэтехыпIэу яIэх.Адыгеим щыщхэу зидзэкIолI пшъэрылъ хэушъхьафыкIыгъэ дзэ операцием непэ щызыгъэцакIэхэрэм, Хэгъэгум ифедэхэр къагъэгъунэзэ, Украинэм инеонацистхэм ар ащаухъумэзэ, Хэгъэгу зэошхом илIыхъужъхэм яIоф лъызыгъэкIуатэхэрэм «тхьашъуегъэпсэу» ятэIо.Титарихъ тырыгушхонэу, неущырэ мафэ тицыхьэ телъэу тылъыкIотэнэу амал къытэзытыгъэ тиветеран лъапIэхэм лъхъанчэу шъхьащэ афэтэшIы. Шъоры цIыфхэр зэрыгушхохэрэр, щыIэныгъэ гъогоу къэшъукIугъэр лIэужхэмкIэ щысэтехыпIэшIоу щыт.Псауныгъэ пытэ шъуиIэнэу, шъуигъашIэ кIыхьэ хъунэу, шъуигупсэхэмрэ шъуиIахьылхэмрэ ягуфэбэныгъэ шъущымыкIэнэу, Адыгеим щыпсэурэ пстэуми мамыр щыIакIэ, насып яIэнэу, шIоу щыIэр къадэхъунэу тэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр