Пчъагъэр зэфэдиз

ФутболымкIэ Урысыем ипервенствэ иятIонэрэ лигэ идивизионэу «Б-м» хэт Мыекъопэ «Зэ­къошныгъэм» турнир таблицэм чIыпIэу щиIыгъыр нахьышIу ышIын ылъэкIыгъэп.

Я 6-рэ турым къыдыхэлъы­тагъэу тикомандэ «Астрахань» дешIагъ, пчъагъэр зэфэдизэу зэIукIэгъур аухыгъ.«Зэкъошныгъ» — «Астрахань» — 0:0 (0:0).«Зэкъошныгъэм» щешIагъэх:Хачировыр (къэлэпчъэIут), Черджиевыр, Солоп, Цанава, Васильевыр, Датиевыр, Хьа­пыщтыр (Антоненкэр), Къонэр (Iащэр), Кобжыр (Анисимовыр), Коблыр (Едыджыр), Казаровыр (Хьэхыр).Тренер шъхьаIэр — Александр Кайвановыр.«Астрахань» хэтыгъэх:Дмитриевыр (къэлэпчъэIут), Му­саевыр (Маломусовыр), Прокопьевыр, Владимировыр, Кривохижиныр, Шиловыр, Радос­тевыр, Болониныр (Костюк), Зо­лоторенкэр, Малыш (Полушиныр), Пачо (Соломатиныр).Тренер шъхьаIэр — Андраник Бабаян.ЗэIукIэгъум нэбгыри 177-рэ еплъыгъ. Мы мафэхэм ощхышхо зэрэщыIагъэм къыхэкIэу ешIапIэм изытет уигъэрэзэнэу щытыгъэп, футболистхэм яIэпэIэсэныгъэ къагъэлъэгъонымкIэ ащ иягъэ къэкIуагъ. Командэхэм къэлап­чъэм Iэгуаор дадзэнымкIэ амалыбэ яIагъэп. ЗэIукIэгъур 0:0-у аухыгъ.— ЕшIапIэм изытет уигъэрэз­э­нэу зэрэщымытым къыхэкIэу зыз­фэдгъэсэрэ футболыр къэд­гъэлъэгъон тлъэкIыгъэп. ЕшIакIэр нахь къызэрыкIо тшIын, ыпэ­кIэ нахьыбэрэ тилъын фэягъ. КIэухым зэIукIэгъур къэтхьынымкIэ амал заулэ тиIагъ, ау къыддэхъугъэп, — къыIуагъ «Зэ­къошныгъэм» итренер шъхьаIэу Александр Кайвановым.«Шахтерым», «Победэм» ыкIи «Ростов-2-м» текIоныгъэ къыда­хыгъэх. Джащ фэдэу «Спартак-­Налщык», «Рубин Ялтэ», «Ангушт» ыкIи «Севастополь» очко щырыщ къахьыгъ. Турнир таблицэм пэ-рытныгъэр щиIыгъ «Севастополь», ащ ешIэгъуи 6 иIагъ, 5-м текIоныгъэр къащыдихыгъ, зыр пчъагъэр зэфэдизэу ыухыгъ. «Зэ­къошныгъэр» я 10-р. Зичэзыу ешIэгъоу ащ иIэщтыр къалэу Нал­щык щыкIощт, жъоныгъуакIэм и 8-м «Спартак-Налщык» IукIэщт.Я 6-рэ турым изэфэхьысыжьхэр:«ПСК» — «Шахтер» — 0:1, «Спартак-Налщык» — «Нефтяник» — 4:0, «Ангушт» — «Динамо-2» — 2:0, «Нарт» — «Победа» — 0:1, «Зэкъошныгъ» — «Астрахань» — 0:0, «Рубин Ялта» — «Заря» — 3:0, «Кызылташ» — «Ростов-2» — 1:2, «Севастополь» — «Чайка-2» — 2:0.Командэхэр зыдэщыт чIыпIэхэр ыкIи очко пчъагъэу ­рагъэкъугъэр:

1. «Севастополь» — 16.
2. «Шахтер» — 13.
3. «ПСК» — 12.
4. «Ростов-2» — 12.
5. «Ангушт» — 12.
6. «Спартак-Налщык» — 11.
7. «Кызылташ» — 11.
8. «Нарт» — 8.
9. «Рубин Ялта» — 8.
10. «Зэкъошныгъ» — 8.
11. «Нефтяник» — 6.
12. «Победа» — 5.
13. «Динамо-2» — 4.
14. «Астрахань» — 3.
15. «Заря» — 3.
16. «Чайка-М» — 1.