Урым-рим бэнэнымкIэ дунэе мэхьанэ зиIэ зэнэкъокъухэр Тыркуем икъалэу Анталье щыкIуагъэх. Зыныбжь илъэс 21-м емыхъугъэ ныбжьыкIэхэр ары зызыушэтыгъэхэр.
Урысыем ихэшыпыкIыгъэ командэ хэтыгъ Тэхъутэмыкъое районым олимпийскэ резервым-кIэ испорт еджапIэу N 2-м зыщызыгъэсэрэ Нэхэе Рэмэзан. Тиспортсмен Тыркуем, Таджикистан, Венгрием ыкIи Казахстан ялIыкIохэм аIукIагъ, зэкIэми атекIуагъ ыкIи къытефэу дышъэ медаль къыфагъэшъошагъ.