Зичэзыу IэпыIэгъу атIупщыгъ

Дагъыстан щыпсэухэрэм IэпыIэгъу ягъэгъотыгъэным иIофыгъо Адыгеим щылъагъэкIуатэ.

Мы мафэхэм къулыкъу зэфэшъхьаф­хэр, къэгъэнэжьакIохэр ыкIи волонтерхэр ошIэ-дэмышIагъэу ткъош шъолъырым къыщыхъугъэм къыхэкIэу псэупIэу, коммунальнэ ыкIи энергетическэ инфраструктурэу зэщыкъуагъэхэм язэтегъэуцожьын дэлажьэх.«Мы мафэхэм Махачкала зэпхыныгъэ дытиI ыкIи гумэкIыгъо хэфа­гъэхэм ящыкIэгъэ шхыныгъохэр, псыр, щыгъынхэр, унагъохэм агъэфедэрэ пкъыгъо зэфэшъхьафхэр, зэкIэми апэу ящыкIагъэхэр, генераторхэр, хъызмэт псэуалъэхэр, нэмыкIхэри афятэгъащэх», — къы­Iуагъ КъумпIыл Мурат.Тыгъуасэ партиеу «Единэ Россиемрэ» Адыгеим и Тэхъутэмыкъое район ит хъызмэтшIапIэу «Кубань-Экспрессымрэ» къаугъоигъэ зичэзыу IэпыIэгъур Дагъыстан ащагъ – зашъохэрэ псы тонн 40-рэ сок тонн 40-рэ.ЗэкIэмкIи «Единэ Россием», тихъыз­мэтшIапIэхэм, общественнэ организациехэм, гуфакIохэм, Адыгеим икъалэ ыкIи ирайон зэфэшъхьафхэм ащыпсэухэрэм яшIуагъэкIэ Дагъыстан шIушIэ IэпыIэгъу тонн 250-рэ фэдиз атIупщыгъ.«Мы Iофэу мэхьанэшхо зиIэм къы­хэлэжьэгъэ пстэуми сафэраз. ГумэкIыгъо хэфагъэхэм IэпыIэгъу ядгъэгъотыныр лъыдгъэкIотэщт», — къыкIигъэтхъыгъ Адыгеим и ЛIышъхьэу, партиеу «Единэ Россием» ишъолъыр къутамэ и Секретарэу КъумпIыл Мурат.