Адыгэ Республикэм имуниципальнэ хэбзэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!ЧIыпIэ зыгъэIорышIэжьыным и Мафэ фэшI тышъуфэгушIо!
Адыгэ Республикэм шIуагъэ къытэу пэщэныгъэ дызехьэгъэнымкIэ, цIыф псэупIэхэм хэхъоныгъэ ягъэшIыгъэнымкIэ шъо Iофэу жъугъэцакIэрэм мэхьанэшхо иI. ШъуиIэпэIэсэныгъэ, шъуипшъэдэкIыжь зэрэиныр зэрэзэхэшъушIыкIырэм яшIуагъэкIэ чIыпIэхэм язэтегъэпсыхьан епхыгъэ Iофышхохэр зэшIошъохых, цIыфхэм социальнэ IэпыIэгъу ятыгъэнымкIэ, ящыIакIэ нахьышIу шIыгъэнымкIэ къэуцурэ Iофыгъохэм ягъэцэкIэн шъуиIахьышхо хэшъошIыхьэ.Республикэм щыпсэухэрэм адэлэжьэгъэнымкIэ мэхьэнэ гъэнэфагъэ зиIэ къулыкъум шъузэрэфэгъэзагъэм къыхэкIэу пстэуми апэу цIыфхэм яIофыгъохэмрэ яфэныкъоныгъэхэмрэ ащыгъуазэ шъохъу. ШъуиIофшIэнкIэ анахьэу шъунаIэ зытежъугъэтырэр цIыфхэм шъуафэлэжьэныр, псэупIэ пэпчъ нахь зэтегъэпсыхьагъэ хъуныр, ахэм адэсхэмкIи ар Iэрыфэгъуныр ары. ЗэкIэми ткIуачIэ зэхэлъмэ ары ащ тетэу зэхъокIыныгъэшIухэр тшIынхэ зытлъэкIыщтыр. ЧIыпIэ зыгъэIорышIэжьыным икъулыкъухэм инфраструктурэр гъэпсыгъэным яIахьышхо зэрэхашIыхьэрэм имызакъоу, а чIыпIэхэм ащыпсэухэрэми чаныгъэ къызхагъафэзэ, зэдыряе пшъэрылъхэр зэшIохыгъэ хъунхэмкIэ яшIуагъэ къагъакIо.ЧIыпIэ зыгъэIорышIэжьыным икъулыкъухэм тикъалэхэм, тикъуаджэхэм, тистаницэхэм ыкIи нэмыкI псэупIэхэм хэхъоныгъэ ашIыным акIуачIэ зэрэрахьылIэщтым тицыхьэ телъ. Шъо шъуиIэпэIэсэныгъэ, Iофэу шъузфэгъэзагъэм шъузэрэфэшъыпкъэм, цIыф жъугъэхэм яеплъыкIэхэм икъоу защыжъугъэгъозэн зэрэшъулъэкIырэм яшIуагъэкIэ пшъэрылъэу къэуцухэрэр гъэхъагъэ хэлъэу зэшIохыгъэ хъунхэм тыщэгугъы.Ныбджэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, шъуимуниципалитетхэм, Адыгэ Республикэм ыкIи ти Хэгъэгушхоу Урысыем яфедэ зыхэлъ ублэпIэ пстэуми гъэхъагъэхэр ащышъушIынхэу!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и Тхьаматэу Владимир Нарожнэр